Van Mi Siangtho Thupha Piakna La Te.

VANMISIANGTHO THUPHA PIAKNA LA -1

• Taksa teen na gam leitung, gamdai in lunglen huai lua, mulkim huai lua hih leitung, vanmi siangtho thupha piak, na hang in leitangh te hong, kiko ding tui luang te zong, kiko in ni tum ngeilo, banging a taang tawn tung ding.

Vanmi siangtho aw, tawntung nop sakna, Pa Pasian kiangah ih ki muh kik ma teng in..,vantung kham lukhu, khu dingin tawntung, nuntaakna sungah ih ki mu kik ding.

Misiangtho kumpipa tawh, khut ki lenkhawm dingin, lei leh van uk khawm ding aa, na pumpi tawh na tha lawh, na ciam sa thupha khempeuh, hong piang ding na vawh khaici, a gah na lo nung maw.

VANMISIANGTHO THUPHA PIAKNA LA -2

• Vanmisiangtho ciah kik ta, vantung peengkul hong ging ta, vantungmi tawh ciah khawm zo, vantung siangsawn innpi ah ciah kik ta.

Van lai zang ah vantung peengkul ging in, vantung kongpi ki hong, taksa teenna gam lung ngai kik ding gah theilo singkuang te gah in no suakkik ding, vantung kumpipa tawh maang khawm hithiat, khut kilending, misiangtho kumpipa tawh.

Van misiang lei hun tawpna, ciahkik zo vanmisiangtho, suahni pawi tuang hong tungta, a vulsa paakte palh in, no suak kik ding.

VANMISIANGTHO THUPHA PIAKNA -3

• Vantung gamnuam na tun na'ang, a ni tu in cing ta, leitung hun zawhna hong tungta vantung innkuan suahni.

Ciahkik ciahkik vanmisiangtho, ciahkik tawntung nuntaakna ah, vantung kumpipa tawh, vantung innkuan suahni.

Ciahzo ciahzo vanmisiangtho, in leitung nusia ta, vantung mi te'n peengkuul mut zo, vantung kongpi ki hong, siangsawn van innpi nuam ah, tawntung nuntaakna hi.

VANMISIANGTHO THUPHA PIAKNA -4

• Vantung ciahni ciangin, vantungmi suan leh khak, ci leh sa guh leh taang, leitung ah lum hithiat, vantung lungdamna thu ngak, in ih mu hithiat in.

Vantungmi vanmisiangtho aw van laizaang pan, taksa teenna gam enkik in nangma, meel hoihna, na manphat na khempeuh tawh na zeem na, leitung na enkik in.

Van a sang bel ah tawntung nopsakna, Pa leh Tapa tawh mang khawm ding vanmisiangtho, aw na taksa tawlnga in ih mu hit-hiat in.

VANMISIANGTHO THUPHA PIAKNA LA -5

• Ciah kik ding van a sang bel siangsawn Pa Pasian kiangah, vantungmi tawh ciahkhawm ding, Pa Pasian maipha mu ding.

Vanmisiangtho aw misiangtho kumpipa leh Tapa, maipha mu ding, taksa pumpi in leitung hun tawpna cingta, vanmisiangtho suahni pawi hong suakzo, a vulsa paak te palh in no suak kik ding.

• Van laizang ah vantung peengkuul ging in vantung kongpi, k hong taksa teenna gam lungngai kik ding, gah theilo singkung te gah lun in vantung kumpipa tawh maangkhawm hithiat, misiangtho kumpipa kiang, khut kilen khawm in lei leh van uk kik dinghi.

VANMISIANGTHO THUPHA PIAKNA LA -6

• Hih leitung ka nuntaakna, khualzin bang ka pai laitak, khasiangtho hong sawlna bangin, taksa gamtatna tawht thupha bawl, zawhna ni hong tunni ciangin, van inn nuam ah ka ciahkik dinghi.

Van inn nuam ka tunni ciang, tua khuapi ka tunni ciang, vanmisiangtho ten hong dawn ding aa, Tapa khut ka lawng kha ding, tua ni ciang nuam sin teh maw, lungdam phatna la ka sa khawm ding.

• Siangsawn gamnuam ciahni ciang, khual zinna leitung nusia, Pasian in van gam khuapi ah, Pa Pasian kiangah misiangtho te, ki mu kik ding tawntung nopna, sapna om nawnlo tua gamnuam ah.