Siang Sawn Lapi Te.

SIANG SAWN LAPI -1

KEY - Eb

• Ka leitung lungsim a bei ciang pa aw nang tawh, innkuan khat ka hizo hi a tawntung, ka nuntaakna nangmah na hi na aang sungah, hong it tawntung misiang tho kumpipa tawh.

Ka belh innpi ka Pasian, nangmaa sung ka lungmuang nangmaa nipi siangtho thupha tawh kei nong manpha sak, na nuntaakna tui nong pia aa, nat leh sat duh leh kial, lung gimna ka thuak ciang, hong huh hong keem tawntung.

• A sia ngeilo khasiangtho ka pa Pasian van leh lei a siat ma teng in hong phat ning, ni leh ka a siat ma teng in hong phat ning, ka nuntaak na a bei dong hong phat ning.

SIANG SAWN LAPI -2

KEY - G

• Ka lung gimna khasiangtho in hong honkhia, nuntaakna tui hongpia aa, manpha tawntung nuntaakna, lungtup bel hong nei Pasian ka teenna leitung, a kang ngeilo manphatna tawh hong zuun in.

Phatphat ning sasa ning leitung ka hun tawp dong, sih nawn loh gam tawntun nuntaakna ah, lungkham dahna om nawnlo van sangbel Siangsawn, kapa Pasian kiang ah.

• Cikmah hun in hong nusia ngeilo ka Pasian, hong taisan kei ning nat leh sat gim leh tawl, lamkhak na ka thuak zong nang sungah ka om caingin, ka haksat na om nawnlo lungdeih lii bang ki cing ta.

SIANG SAWN LAPI -3

KEY - G

• Khasiangtho vangliatna aw, ging in lei leh van ah, a bei ngeilo itna tawh, hong keem lung ka ngaih bel sianmang in tang bang damna tui, hong luan lung ka muanna dang a omlo.

Vanglian Pasian nong itna, lianlua mihing ganhing, singkung lopa te zong, nong it ma'n vaannuai namcih, na khualna sunni taangsak thul guah luang sak nang hi cia.

• Sianmang bawlsa simlei thangvan, nunnuam e simlei miza, mim bang pianna vang lian pen, khasiangtho vangtung kumpipa, vannuai taan sunni aw e, miza sianmang a tawntung nuntaakna.

SIANG SAWN LAPI -4

KEY - G

• Siangsawn gamnuam vantung a sangbel ah, van misiangtho ten tawntung nopsak na mun ah om hi, lungkham dahna om nawnlo, lung gimna omlo lung sialna beina mun ah om hi.

Hih lengtung in lungkham dahna leitung hi, hih leitung in duh leh kialna, lunglen khua ngaihna leitung hi, misiangtho te in lungngaihna siam in, a nuam mahmah na mun ah om hi.

• Van leh lei a siat ma'an vantung kumpi, a lianbel Tapa Pau Cin Hau a it mi leh, a muangmi a zuan mite in siatna khempeuh tuaklo in, haksatna tawh ki peel ding,  nopsakna sungah omding hi.

SIANG SAWN LAPI -5

KEY - G

• Vantung ah nu leh pa vantungmi kapa Pasian, van leh lei a paingsak hi, manpha ka sak bel kapa Pasian in eite hong nei, sih nawnloh na tawntung nuntaakna ah.

Eite hong nei vantung nu leh pa a min lianbel, a vangliatna muang ingh e, Siangsawn tung ah tuang misiangtho te omna, tawntung nun taakna sungah om hi.

• Miza siam Pasian vannuai namcih hong nei, siangsawn ka Pasian mah, a lianbel lung ngaihna siam te nopna sung, ah nungta tawntung ding hi.

SIANG SAWN LAPI -6

KEY - D

• Simlei miza namcih vontawi nong khualna, misiangtho kumpi pa aw, khaisangtho maipha nong mu sak aa, sian tong lelsa simlei tungah, khangsawn ten na ciing hen aw.

Liimbelh sian lunmang aw e, na vaang lumbang hong sung in, na von awi te pham mawhna leh tang bang damna tui hong luan aw.

• Sianmang sinthu lun tongdam tawh gawm thei hi leng, tui bang ciim khawm nuam ingh e, thangvan aa zaal sianmang hawmsiam tong dongh, thei hi leng miza lai ah thangsak nuam ingh e.

SIANG SAWN LAPI -7

KEY - G

• Nuntaakna hong zong nuntaak thak, na sungah hong omsak van leh lei, na khempeuh a piangsak Pasian tawh hong ki mu sak.

Maipha maipha hong musak in, meel hoihna te tawh hong zuun, tawntung kapa Pasian a aangsung tawl damna, hong pia van ah sangbel siangsawn, Tapa misiangtho kumpi nuntaak na.

• Hong len tawntung amaa khutkuak muanhuai sungah nong itna, vontawi mualsuang phuh misiangtho te hi ungh.

SIANG SAWN LAPI -8

KEY - E

• Siangmang awi aa ka hei manin siangmang bawlsa, simlei tungah pian leh khan kikhek in, nun nopna gam piang ding.

Singta vontawi hilo sianmang vontawi hizaw, Siangsawn tungah tuang misiangtho kumpipa, nuntaakna hangin hih leitung ah, pian leh kikhek in nopsakna gam hi.

• A mang ngeilo Pasian mualsuang phuhna, ih taksa teenna leitung ah lamdang vangliat, na thusiangtho in lei mun khempeuh zeel hen.

SIANG SAWN LAPI -9

KEY - E

• Lim leh gah nei ka belh innpi tawntung ka lung muanna, nangma daikaih na huang sungah lina leh lau na om nawnlo.

Nisim kong lung ngaihna in ka belh innpi tawh ki nai semsem, kapa Pasian na hi nangmah, kong lam en tawntung aa.., ansaal hawm ngei lo ka nuntaakna nangmah sung a hi.

• A aang liimnuai tawldamna mun, tuang lam peelte lungmuan tawldam, na om ngeilo dinghi a tawntung in gimna thuak ding.

SIANG SAWN LAPI -10

KEY - F

• Vansang bel ah om khsiangtho Pasian, hong hopihna aw za in ngai ingh, tang aa tuan aa pupa theihloh Zogam, hih leitung ah khasiangtho hong kiko hi.

Tung sianmang aw na hawmsiam aa, zin aang sungpan in nong honkhia aa, sian aw na aang liim hong beel ingh, lailung muang ungh Zogam lei ah.

• Leitung hauhna sum leh paai te sa'ng, vantung lungdamna thu ngai zaw ingh, sian tongdam ka muan manin simlei ah, za ii lai ah ki heek ingh e.

SIANG SAWN LAPI -11

KEY - G

• Sianmang hawmsiam nunnopna huanpi sungah sian in phuh sing, bang khosak tua nuntaakna huanpi zuanlo mite, lungnop tawldamna a ngah zo diam.

Misiangtho kumpipa nuntaakna sungah, ka om aa ze-et bawlsiat lam khak na te, khempeuh lei leh van uk misiangtho kumpipa, a Tapa tawh eiten ih zozo hi.

• Vantung kumpipa siangsawn nuntaakna tui in sih nawn lohna, meel hoihna te tawh hong zeem tawntung, leitung muh tawp dong ah hing tawntung hen.

SIANG SAWN LAPI -12

KEY - C

• Ka nuntaakna suangah khasiangtho hong om ciang, ka Pasian aw nang tawh ka ki lawmkhawm aa, simlei leh thangvan kaal ah nang tawh min zaam khawm ingh.

Hong bee ingh hong muang ingh, nisim kei hongkeem in, hong huh tawntung inla ka maa hong hon in maw, na nuntaakna lampi hong zui sak tawntung in.

• Van aa sangbel na ah siangsawn ka pa Pasian, vanglian bel kammal siangtho gengen ning sasa ning, hong nei khasiangtho aw nangmaa kiang kong thung dong.

SIANG SAWN LAPI -13

KEY - E

• A lamdang vangliatna thu siangtho in, mun khempeuh gam khem peuh zeel den hen, u leh nau zatam huai na ko tongdam neem dildial e.

Kumpite kumpipa khasiangtho vantung kumpipa, na awi sinthu'n sawl bang hei in, namcih zatam ka vaang ni bang hong ello vua.

• Khankum muanding pian leh khan hong ki kheksak misiangtho kumpi nuntaakna, lam honghilh simlei miza namcih, tui bang hong siangsak zo ta.

SIANG SAWN LAPI -14

KEY - E

• Leitung minam khempeuh vantung Pa Pasian a mu mite aa ding, innkuan u nau khasiangtho nuntaak, na sungah ih nungta khawm ding hi.

Nungta ding nungta ding, nungta ding nungta ding, Pa Pasian tawh nungta tawntung ding, leitung haksatna te ka thuak zong, Pa Pasian tawh ka om khawm hi.

• Khasiangtho tawh ka om khawm ciang, leitung haksana hong bei ding, ka zuihna lampi in siangtho tawldamna lampi hi.

SIANG SAWN LAPI -15

KEY - E

• Nisim ka nuntaakna ka paina lampi, khua hong vaaksak lam hong hilh, hong len tawntung ka nuntaakna nangmah na hi.

Van a sangbel siangsawn ka Pa Pasian tawh maa ka pankhop ciang, lelhna om nawnlo ding ka nuntaakna, khuavaak ding aa alsi bangin tee diamdiam ding.

• Upna tawh ka kalsuanna ka lunggimna teng bei in dahna khitui te, a hong sawpsiang misiangtho kumpipa tawh khut ki len.

SIANG SAWN LAPI -16

KEY - C

• Misiangtho kumpi maa bang patsa, duangzil a mah tawh kalsuan khawm in, simlei minam khempeuh a mah tawh nungta khawm in nuamsa tawntung ding.

Ka zuihna in thu maan lampi hi, ka nuntaakna khua hong vaaksak in, thupha ngah innkuan nuam hong suaksak, tawntung nopsakna huanpi sungah.

• Nuntaakna lam hong khialhpih ngeilo, misiangtho kumpipa nuntaakna, khasiangtho galhiam in kei hong huh, phung leh gual in khia ka sinlai neem tuanlo.

SIANG SAWN LAPI -17

KEY - E

• Van sangbel aa siangsawn Pasian vantung hoihna, nam khempeuh tawh van khawm lukhu, paalna za tampi tawh tawntung nuntaakna manphatna, hong nei vantung thupha piakna gam, hong pia hoihna tawh nuntaakna.

Misiangtho te misiangtho te aw khasiangtho ki pholaakna, in ih Pasian maipha hong musak aa dik mahmah, khasiangtho innpi vangtung innkuan te ih hihi.

• Khasiangtho Pasian Pau Cin Hau nuntaakna in, eite hong nei a khut siangtho, taklam ah hong teel aa thupha piaksa suan leh khak, vantungmi ci leh sa a hong suaksak, vantung nuntaakna ih hihi.

SIANG SAWN LAPI -18

KEY - E

• Koi mun ka paizaw diam ka nuntaakna khuavaak nading, paallun gah tam a hing silsial maitaina mun, Siangsawn munnuam ah ka paizaw ding.

Misiangtho kumpipa tawh ka om khop ciang, Pa Pasian tawh om khawm hi'ng, amaa nuntaakna sungah ka omciang a lamdang, hoihna tawh hong nei amaa ta taktak ka hi.

• Van a sang bel na ah Pa Pasian a minthang den hen, lei mun khempeuh a ukna gam hi, namcih ta'an tem bang deih aa taang gual phial va laam bang e.

SIANG SAWN LAPI -19

KEY - C

• Ka lungsim bei in hong ki tapzan ciang hong huh, hong nei ding omlo ka ngaih sutna khempeuh tawh, Pa Pasian maipha mu in itna sungah.

Keimaa taksa pumpi sungah khasiangtho hong nuntaak ciang, van leh lei a bawl na khempeuh kei maa aa hi.

• Ka thuak ka puak tawlna te tawh kei ka pai khawm aa, ka puak vangik bang lel in Pasian ka muh ciang, hong suahsak zo.

SIANG SAWN LAPI -20

KEY - D

• Khasiangtho tawh eite innkuan khat, u nau in ih om ciang, leitung ci leh sa deihna tawh phung namcih in hong nial zong in.

Vantung Siangsawn nunna khasiangtho in lam honghilh, lampi nuam hong zuisak, ka nunna khuavak in nuam hi.

• Nuntaakna thusiangtho gal khat ah,nuntaak gimna om aa, phung leh nam ki deina mun ahi lungsim vangik kulhpi om hi.

SIANG SAWN LAPI -21

KEY - A

• Leitung khuavaak na in misiangtho kumpipa, nuntaak haksat gimna a thuak, mi khempeuh tawldamna nuntaak khuamial te aa ding, nuntaak tawntung na.

Nungta nungta nungta ding, sih nawnloh na gam hong paipih, leitung nuntaak sung zong kei lam ah, ni bang hong taang khuamial na gam, ni hong taangsak misiangtho kumpipa, ka belhding innpi na hi.

• Ka ansal in nangmah na hi nang tawh ka om ciang, ka tawldam aa ka lung khamna, ka ta'ang sapna bei in manphatna nam khempeuh tawh, kei hong tangsak tawntung.

SIANG SAWN LAPI -22

KEY - F

• Kei lam ah Pasian ni bangin hong taan, a vulsa nuntaakna hong no suaksak in, dawn hong suangsak khasiangtho hoihna tawh, meelhoih in a mial nuntaakna te khua hong vaaksak hi.

Ka nuntaakna khuahun te hong ki khelsak, van a sangbel Siangsawn nuntaakna, ka tung ah hong zuk ciangin ka haksat, ka thuak khitui te nuamna khitui in hong luang.

• Tua kham khuapi ah kei hong paipih in, ni tum ngeilo ni bangin taang tawntung in, vantung nuntaakna huanpi sungah, ei aa ding nuntaak tawntung na a hong pia.

SIANG SAWN LAPI -23

KEY - C

• Keimaa kiangah leitung minam khempeuh in nuntaakna a ngah zo kei ding, kei hong um taktak hong muang hong taisan ngeilo te tawh, lei leh van uk in ka nungta tawntung dinghi.

Eite hong zong khasiangtho Pasian in, leitung nopsakna tawh hong zong     hilo, upna thumaan gamtatna tawh hong zong masa.

• Lei leh van nopsakna hong piang, tu leh ta sian teel minam te tawh, ka si ka sa hong kiam hong kiam ding ka teek zongin, ka ciangkhut khasiangtho hatna hong suak, nuntaak tawntung na khuapi sung ka om dinghi.

SIANG SAWN LAPI -24

KEY - F

• Sunni leh solkha va leh lei ka bawl, hong el singta vontawi te, ka vaang hong el zo omlo ding, a mau ten omna gam a ngah kei ding hi.

Kong it hi kong it hi, leitung buaina ki deidan nate, hong bei ciang no lam ni bang kong suak ding, khua mialna gam khuavaak in, taang tawn tung dinghi.

• Hong pai ong nei Pa Pasian na mu ding, na nuntaakna uh kei sungah omhi, linna leh launa kong thuaksak kei ding, dahna lau na tawh ki pelh ding uh hi.

SIANG SAWN LAPI -25

KEY - E

• Siangsawn ta ka tang zo sian vontawi ka hih nung sang, Pa Pasian zawhna lamdang amaa minphat ning, itna sungah innkuan khat aa om mite in nuntaak, tawntung na sungah ih om dinghi.

Vantung suah leh khak vantung nuntaakna, eite sungah hong omciang, leitung buaina leh haksatna te hong bei ding, vantung hoihna mualsuang hong piang ding.

• Innpha a nuam bel ka tun ni ciang a taang tawntung, nopsakna sung ah ka nunta lam etna leh, upna Pasian hong neihsa ta ten lam en tawntung in Siangsawn sungah ka om hi.

SIANG SAWN LAPI -26

KEY - F

• Ni suahna lampan Pasian ni bangin hong suak leitung, mun khempeuh khuavaak in ni bangin, hong taang tawntung misiangtho ih teenna gam hing silsial, gah lun tampi tawh khuapi khat sungah.

Sunni leh solkha a bawl, Pasian a neihsa khempeuh ni bangin, taanna lamdang te pua in kei tua taanna lamdang, te tawh ka ki lawm hi.

• Pasian a tapa ei lam ah hong nai in khuavaak ding, mualmong ki seem kei kiangah, ni bangin hong taang a hoihna gam sungah kei hong paipih, ka nuntaakna in kham khuapi sungah.

SIANG SAWN LAPI -27

KEY -Bb

• Leitung lungsim leh leitung ngeina, tawh buai in ka om aa hong nei pa, Pasian tawh ka ki gamla hong keem, hong nei ding a omlo ka nunna sungah.

Ka puakvan ka puakvan, gik banglel gik banglel semsem ingh, Pa Pasian aw khantuak khial bang ka phunglai ah, leitung lungsim suah khia in sian gim nam tangh ci'inge.

• Nangmah suangah tawntung nuntaakna, kicing nangmah kong ngaihsut ciangin, a ki nusia theilo nong itna, na aang vantung lungdamna tawh nunta ingh.

SIANG SAWN LAPI -28

KEY - C

• Tung sunni bang sianmang taang e, sumlei thangvan a bawl miza sianmang, ka maa ciang suan nang ka lam lampi ah, khua hong vaaksak in ka lung muan na hi.

Tung thangvan ah a saangsawn ah, sian zua pa'n e a mi zatam lai ah, lung deih teng ci bang teel e.

• Khasiangtho tawh ka nuntaak ciang, singlel tongdam nuh paam ah paai tangh e, Siangsawn sungah ka nunta zo, sian ii vang muang in Siangsawn ah ka tuang zo.

SIANG SAWN LAPI -29

KEY - E

• Siangsawn van saangbel khuapi pan, vanmi in ka pai leitung ah Siangsawn kham khuapi sungah, misiangtho kumpipa tawh kei ka ki len khawm aa, a mah hong pai hi kei kiangah hong pai.

Kei lam hong zuan misiangtho kumpi'n, lei mi tel zawhloh vantung pilna tawh kei hong zuun hong keem, leitung minam kheumpeuh te lak ah, amaa teel minam a khut siangtho tawh, aanglai hong pom den.

• Tua khuapi etlawm ni bang taang, tung sianmang banzaal, vantung hoihna va bang pil tang bang dam, nunnop lii bang ki cinna mun, tua kham khuapi hoih tua hoih na tawh kei, nibang ka taang khawm.

SIANG SAWN LAPI -30

KEY - A

• Nungta ingh kei nunta ingh kei kiang hong naai hong zuan un, upna innkuan te tawh nungta kua mah in khen kei hen.

Hong en in hong mu ingh note omna kong tel zo hi, kei hong zuan mite in na lungsim tawng thahatna tawh, hong zuan in na vawh na ciampiak khempeuh gah in po ding.

• Kei hong zuan lo hong nial mite huihpi tuihual nawk bang, ki dal zolo kangmei bang sa ki sia lunggim thuak ding.

SIANG SAWN LAPI -31

KEY - F

• Leitung taksa hatna te ka masuat ciang, nang tawh ka ki gamla khasiang tho in lam hong hilhna te hong bei in, ka van puak hong gik semsem, ka lampi ah kei kia pai ingh.

Mualsang dawn pan tua khuapi ka et sukciang, huihdam te hong nung hiauhiau, singkung te hong huang ngelngel, ka puak vangik nusia tua khuapi sungah, kei pai ingh khasiangtho nuntaak na khuapi in, ka Pasian aangsung ahi.

• Tua khuapi nuntaakna siangtho galkhat ah, luipi khat in dei aa, maizum dahna huihpi tuihual nawk bang a mau te pai e, lungdamna thu za kei uh, a mau te paipai uh e.

SIANG SAWN LAPI -32

KEY - C

• Nungta ingh nang tawh ka om ciang, kei a'n suahtaakna thu na hi, tawldam ingh na aang sungah, om den in nang hong len den ning.

Hongzui ning tua khuapi sungah, aw Pa bangbang ka thuak zong in, nang hang aa thuak hi peuh leng, itna sung kei sia ngei kei ning.

• Belhding dang a pom taak om lo, khasiangtho aw ken hong mu tangh, nisim in hong makaih in, Siangsawn munnuam ka tundong in.

SIANG SAWN LAPI -33

KEY - A

• Leitung nuntaakna haksatna nam khempeuh, pua in tua khuapi sung ka zuan hi, zatmi tapa mai ah ding ka muh ciangin, lung nop tawl damna kei hong mu sak.

Ken zuan ning tua khuapi suangah, misiangtho te taksa luahna gam, itna in nang hong ngak hi tua mun ah, Siangsawn khua thak munnuam suangah.

• Misiangtho kumpipa nuntaakna suangah, ih om ciang lung gimna veng sak hi, ziing ni khua hong vaaksak kei hong tonpih den hi, van hoihna kham lukhu hong khu sak.

SIANG SAWN LAPI -34

KEY - D

• Vantung Siangsawn kham khuapi suangah, ka om aa taanna lamdang ten hong zeem, kei hong zeem khin zo tua hoihna te pua in, kei ka pai hi misiangtho kumpipa tawh, vantungmi te tawh.

Ka ki lawm hi ka ki lawm hi, ka teh pihding dang a om kei, ka tehpih ding dang a om kei, ka ki lawm hi ka ki lawm hi.

• Vantung kumpi'n tua khuapi suangah, ka teen na'ng kham inn pha hong bawlsak zo, nguun leh kham tawh ki zeem in tua inn pha leh, ka minam pih te tawh ki lawm ingh, lungdam phatna la ka sa.

SIANG SAWN LAPI -35

KEY - F

• Ka lam ah khasiangtho hong pang aa, gual zawhna kei aa hi, leitung buaina nawk in kei pai ingh, tua khuapi sung ka tung, kham lukhu hong khu sak ka taang pha hi.

Lamdang lamdang Pasian na bawlsa na te lam dang sa'ng, na khasiangtho vaangtaang zong lamdang sa'ng, na khasiangtho vaangin kei zong nong tuam ciangin maw, lamdang lamdang aw lamdang lua sa'ng.

• Nuntaakna thusiangtho ka zaak in leitung tuipi teng ah, miza nunna dam tui hong luang e, phamding thelbang tho e, paak hoih namtui tawh zeem misiangtho hi'ng.

SIANG SAWN LAPI -36

KEY - E

• Lei ah haksatna tawh ka nunta aa, buaina sin gimna meei bang kaai mah leh , lung kia in ka puk sam diam ka mai ah, Tapa khut kuak muanhuai om zo.

Misiangtho kumpipa masuat leng, ka lampi lah hin gim nam semsem, khaa suakta taksa tawl damna tawh, lal in taikhia zo ngei kei ning.

• Sian a hawm sunni hong suak ding aa maw, miza'n pian in dang diak ci mah zong leh, lei mi theihloh kaal in kham khuapi tawh, hong zuun in ni bang hong taangsak.

SIANG SAWN LAPI -37

KEY - E

• Khasiangtho nang nong om ciang khasiangtho nang nong om ciang, nuih na khasiangtho nangmah na hi, khasiangtho nang nong om ciang khasiang tho nang nong om ciang, etlawm paakpalh bang ka ki lawm khawm.

Leitung vangik khempeuh honpa'n suahkhia zo, vantung lungdamna thu tawh kei hong zeem zo, khasiangtho tawh lungdam vantung inn kuan sung, lungdamna pawipi gualzawh na dial kikhai, suakta zo suakta zo, a tawntung tawntung ka lung muang hi.

• Khasiangtho nong makaih ciang khasiangtho nong makaih ciang, gual zawhna ka tha hatna na hi, khasiangtho nong makaih ciang khasiangtho nong makaih ciang, nuntaakna innpi ka nai semsem.

SIANG SAWN LAPI -38

KEY - E

• Thupha kehmpeuh hong pia pa, Pasian in van leh lei ah, na khempeuh piangsak in a minphat ding, vanmi in leitung ah kei kapai aa khasiangtho ten, tawntung nuntaakna dongah lei leh van ih uk ding hi.

Pa Pasian in ka paina lampi, khua hong vaaksak kei hong len tawn tung, a hong mu den ka aw hong za den ka sapna aw te hong dawng, ka tha hong hatsak ka tha hong hatsak, ka tha hong khauh sak hi.

• Muh tawp dong thupha piaksa, gamsung ah sing kungte in, dum dildial gah lun in zu leh va ten, munnuam gamnuam zuan in nuamsa uh ki itna ki deidan lo, linna leh launa omlo gam sungah, mu vanlai in van laizang ah, leng diaidiai tua gam in nopna bei in tul ngeilo ding.

SIANG SAWN LAPI -39

KEY - E

• Lungdamna pawipi tu in tuang hong tungta e, gual zawhna pawipi tung sunni hong suakta, sian in nau bang keem hen hong suak kumpipa lung dam mi kheupeuh in thupha ngah tahen.

Lungdam ko in lungdamna thute tangko ni thupi ni, misiangtho kumpi hong suahna pawipi, nunnuam lam bang paak ni.

• Eite hong laamto misiangtho kumpipa, a hoihna tawh hong zeem ni bang hong taang sak, hong thuk zo kei nung e vanglian nong itna, nang leh kei hong itna dam tui hong luang lai.

Nunnuam in kumsawt in tang bang dam sak in, lei mi khempeuh aa ding hong tha lawhsak na, a maa gim thuakna hang eite zawhna ngah, a um mi khempeuh in thupha ngah ta hen.

SIANG SAWN LAPI -40

KEY - A

• Nunna hong laamto nopna gam hong pia, ka paina lampi khua hong vaaksak, kei lam etna sa'ng a lianzaw munpha ah, ki-itna te khum in nuamsa ingh.

Nopna gam hong tung eite kaingah nopna gam hong tung, Pasian ni khua hong vaak ciang lianpen phatna innnuam ah, ka om laitak khua mial na gam luipi ii galkhat ah, kei hong paisak kei inla hong thuak sak kei in maw Pa.

• Vantungmite leh mizaw te hong pai, zawhna tokhom tung ka tut laitak, nuam in ki lawm ingh ahih hang ze-etna'n, hong len kei henla hong pai kei hen.

SIANG SAWN LAPI -41

KEY - F

• Simlei leh thangvan aa kaal ah, sianmang siamsil paak bang tawi in ih min zaam zilzial e, sianmang vangkhua etlawm no tawh, duangsuah meel hoih et in cim la'ng tongdam neem ngaih cim la'ng e.

Sianmang awi aa hei hihang vangkhua nun nuam ah, sing limlian liimpha belh nunnuam e, vom leh kang a mi zatam lam bang hong veel e, tongciam tuangtung lung ih tai naam aw.

• Pian gam lei tawh lawm khua nunnuam, Siangsawn teng hong ki tawi ve aw nunnuam va bang pilna, sian za leng tawh ho lung kum in, lung ka lau lo kamsang sian tongciam tuang hong tung ding hi ta.

SIANG SAWN LAPI -42

KEY - G

• Tu aa ka ki lawmna in, ka sungah khasiangtho, hong nuntaak sung muh tawp dong ah hoihna te bei theilo.

Munpha bel ah ni sa'ng taang zaw, tua khuapi pan eite hong sam, gahtam paal lun dangtaak na omlo, tua kham khuapi sungah.

• Nopna gam in lian semsem, tua gamnuam ah kei ki lawm ingh, keimaa sungah nopna bei ngeilo in tawp ngeilo ding.

SIANG SAWN LAPI- 43

KEY - C

• Khasiangtho Pasian na min hong phat ning, vanliat na khempeuh tawh kidim, ka sung ah nang nong nungta hi, khasiangtho teenna innpi nong suaksak, misiangtho te nong suaksak.

Hong phatphat ning, hong phatphat ning, bangbang ka hi zong nang aa hi ingh.., khasiangtho ka lampi khua hong vaaksak, ka belh innpi na hi.

• Sum leh paai neih leh lamh ka neilo zong, pilna siamna te ka neih loh hang, sep theih bawl theih ka neihloh hang, khasiangtho nang kong neih man na khempeuh lungdam in ka lung nuam hi.

SIANG SAWN LAPI -44

KEY - G

• Tua gamnuam ih pai laitak, vantungmi taanna lamdang te tawh, taang khawm ka omna gam in nuam tua gamnuam pan (gamnuam pan), in kei ka paikhia kei ding (paikhia kei ding).

Ka it mahmah vantung innkuan te tawh ki mu ding tua gamnuam (gamnuam ah), ki mu kik ding tawldam in, lung lenna omlo tua munah (ki mu kik ding).

• Taikhua val zu leh va ten zong, gah tam na zuan mau zaizai tua ni hun ciang (mau zaizai), vantung vangliatna pua in, van alsi bang (vangliatna), in eite tee diamdiam ding.

SIANG SAWN LAPI -45

KEY - C

• Khat leh khat ki-it le hang ih nuntaak nuam, itna thupha ih cih in lam bang hong zuan, a lian penpen itna kamciam om hi.

Tu in vantung lungdam la ken sa ning thupha, Siangsawn sianmang laitual hong leng aw, na vangliatna deih ingh na ki cinna deih ingh, hambang ka vaihna om nawnloh na'ng.

• Na tha hatna deih ingh ka gualzawh na'ng, na cidamna deih ingh ka thahat na'ng, hi ci zaw deuh leh cih om nawn loh na'ng.

• Belh dang muan dang nei keng zua sianmang aw, itna leh hehpihna kong hong hon aw, linna leh lau na tawh ka ki pelh na'ng.

SIANG SAWN LAPI -46

KEY - G

• Misiangtho ka paina lampi ah, khua hong vaaksak hi a tawntung in, kha siangtho in hong huh hong len aa ka vangik teng, hong suahkhiat sak hi Siangsawn sungah, ka om ciang Pa Pasian tawh, khut ki len ingh a nop in nuam semsem ee.

Tua khuapi ah tun ciangin nunnop paalna, za tampi tawh ka maaciang suan khawm ding aa, nopna gamah vantungmi leh misiangtho te van sang bel, Pa gamnuam lei leh van ih uk dinghi.

• Ni bang hong suak Pasian Tapa hi, lei mi khempeuh tawldamna hong pia, alsi bangin hong tee sak diamdiam misiangtho te, Siangsawn nunna sung ngun leh kham sa'ng, manpha zaw nopna khuavaak, siangsawn nunna ni bang taang Pa Pasian tawh.

SIANG SAWN LAPI -47

KEY - C

• A masa pen Pasian kammal, om na nuntaakna thu siang, thumaan lam hong hilh nuntaakna, thu siangtho tawntung nunna.

Aw Pasian hong telsak a sangbel, pahtawi na hong pia nunna, khang tangthu Pasian leh tapa, mizat te tawh innkuan hi.

• Vantungmi suan leh khak ka hih, na hong telsak Pasian, kammal hong musak nutaakna, thusiangtho tawntung nopna.

• Siangsawn nuntaakna thusiangtho, in nopna gam luah tawntung, nun taakna hong pia Pasian kiang, hong tungsak thusiangtho hi.

SIANG SAWN LAPI -48

KEY - F

• Zogam ah Pasian, khasiangtho Pasian zat mite, hong pai khamtung gam khua hong vaak, nuam ei nuam ei kei kipaak ingh, Pasian zatmi kha siangtho tawh, innkuan khat ka suakzo kei ki paak ingh.

Ka innkuan sungah Pasian khasiangtho hong om ciangin, buaina om nawnlo nopna inn-pi sungah, ka om ngun leh kham sang, manpha zaw leitung hauhna sang in zong.

• Pasian mizat Pasian, khasiangtho hong pai ciangin, innkuan buaina lah om nawnlo, phatna lasa khawm diamdiam, ngaih meel lah semsem, vantungmi te tawh innkuan hong  suaksak.

SIANG SAWN LAPI -49

KEY - C

• Sianmang sawlsang zingzin tuanglam tung pan, muhmawh zinleng sang bang ka nawk hun in, sian aw na min sial in na vaang muang veng, kei mah kia in sawl bang hei lo gawl bang kim aw sian aw na vaang a hi.

Simlei leh thangvan sang lel ah, kawi lia nu tawh lambang vel ingh hoih lua, ka luah ding gam vangtaang silsial, ke'n nei ta ingh Siangsawn gam nuam a hi.

• Ka pham zong in thangvan a lel dawn ah, ka nua ciang aa simlei dawh in tam ding, a va namcin lim sawl beel ding hong po, heisa a paal ngei in paal ding siangsawn a paal ngei in hong paal ding hi.

• Ka zua banzal hi mate hoih lua, tung ciang solkha vaang a taang hi siangsawn, tua hoihna leh lam dang nang na hi e, vannuai miza si bang nui ding, na vang in kei ni bang a taang ka hi.

SIANG SAWN LAPI -50

KEY - C

• Van sang bel pan khasiangtho, Pasian Tapa leitung mite, pian leh khan ki khekna a hong piang ding, sianteel tuunnu Cing Zam sung pan, nau ngek bangin hong suakkhia aa, honpa a Tapa eite kiang hong pai zo.

Haksatna ka thuak ciang na nuntaakna sungah, na kha nuai ah hong koih ka nuntaakna, khuamial thukpi te khua nong vaaksak, van sang bel na ah om Pasian, tawh nong ki musak kong sapna te, hong dawng in na nuntaakna, lungtang a siangtho suangah, nong keem haksatna sung pan nopna, zing ni hong suak.

• Nuntaakna thusiangtho lungsim, muhna tawh Pasian hong musak, nisim ka nunna ding hong hilh, tawntung Pasian Tapa manpha, tuni ka lungdamna in vansang bel na pan hong pai Pasian, Tapa tawh om khawm in Pasian, min hong phat sak.

SIANG SAWN LAPI -51

KEY - C

• A hauhna suang in a pilna a maung, Pasian langpang te tung ah sian in thu hong khen aa, Khua Cin tuangdung dawhsuk  dawhphei ki tan hi. A liatna maung in a hatna a suang, Zatmi langpang te tung ah sian in thu hong khen aa, mul kim huai lua hih thu khenna hong tun ciang.

A vanglian bel kumpipa aw kei, ka lungsim ka ngaihsutna leh ka pumpi, ka kampau gamtatna te nang aa ding.., na langpang na gal ka hih loh na'ang hong keem.

• Sian in zing vai hong hawm aa kolbulh khau, khih a thuak mite hong honkhia in lunglau lungngai, mite lungmuan kha muanna hong pia hong guan.

SIANG SAWN LAPI -52

KEY - C

• Thupha piaksa suan leh khak te in siangsawn misiangtho, ka tate na hi uhhi, ei misiangtho ten khua ih zong ding aa, munthak gamthak khuathak, misiangtho khua a paing ding hi.

Misiangtho kumpipa aw na ciamsa thupha sungah, namcih vontawi tui bang, tui bang ki gawm in na aangai ah, na vangliatna in ni bang hong taan e.

• Khasiangtho in kei hong um taktak te bek tawh, ih om khawm ding aa, nopsakna huanpi sungah, a dang mi pawl kei hong um taktak, te zong ih samding aa, a mau te zong tawldamna a ngah ding hi.

SIANG SAWN LAPI -53

KEY - E

• Leitung mite lakah ka thu hilh dingin kong sawl hi, leitung minam khempeuh in a mau ngeina ciat tawh, siangsawn Pasian min ih phat khawm ding aa, tua ni ciangin nang bang dinmun ah a om ding in na ki lam en hiam.

A hong pai kik ding misiangtho kumpipa.., ih nuntaakna sungah om khin zo hi a vulsa paak te.., hong palh khin zo singkung paak namtui tawh ih ki bang zo hi.

• Tua ni ciang in leitung mipil te in ka thu hong kan ding aa, a ciamsa thute tuang hong tungta, han lung ciam ni misiangtho te aw ham lungciam ni, lia leh taang te aw sianmang aa dingin.

SIANG SAWN LAPI -54

KEY - E

• Nisim nunna taina hunpha hi aa, lungdam theilo ta ding hamsiatna hi, a beisa hun lui leh mailam hun thak, na nuntaakna sungah koi zaw teel ding.

Pasian kamsang Pasian nasem te en ve ni, eite aa ding nui teitei in maipha honglak hi, ki hawm thawh lai telsiam theilo a tate ei lungkham na ei bek aa hi, ei guak bek aa hi.

• Nisim dah ingh sial ingh lungkham mang bang, kua kua ii maipha zong mu zo nawn keng, ih cih hang Pasian hong itna lian zaw, ih nuihna tam zaw ih nuamna tam zaw.

SIANG SAWN LAPI -55

KEY - F

• Siangsawn nunna sungah deih li bang cing zo aa, nunnop paal a lo ding siangsawn daikaihna, tawntung nunna sungah vanglian khut in ei hong lending.

Sang pen siangsawn nunna pa aw hoihna namcin hong zeem ding, na von teng lung muang zo ungh.

• Itna a sang pen nunna leh pianna pa ka hi, ka it mite simlei nunnop ki cing in, thangvan siangah zawhna tawh ih maang khawm dinghi.

SIANG SAWN LAPI -56

KEY - C

• Misiangtho kumpi tongciam Tapa sapna misingtho ci bang ki teel zo ta, nihgeel tuanglam tonkhawm zong a khat misiangtho siangsawn suakta, laikhun tung aa nihgeel ho lung kum te zong a khat misiangtho ci bang teelta, misiangtho ci bang teelna lap man lo zen maw, nang hong ki nusia ta.

Misiangtho te taksa teenna gam in, ngun tui suai tui luanna gam a suak ding, van aa ihpa tongciam misiangtho sapna awaw za manlo aa, antang hai khat in zong kham tawi khat man hi ta, ki ging man nawn lo zen maw, nang hong ki nusia ta.

• Misiangtho te in, vantungmi te tawh maa ciang  suankhawm in, kialna leh tui duh dangtaak tawlna omlo, siangsawn daikaihna huang sung ah ka om manin, siangsawn paal za tam kim tawh kei ka taangkhawm ta.

SIANG SAWN LAPI -57

KEY - Eb

• Van misiangtho ka suahni ciang, siangsawn van ka pa mu ding aa, Tapa khut lawng kha ding tua ni caing, taanna lamdang tawh taang, tawntung nuntaakna zeem na ngah ding hi tangh.

Misiangtho te tee diamdiam solkha bang tang e, lei aa zawhna misiangtho thupha piakna gam piang ding, hih thu thei lecin a nuamlo om kei ni teh.

Pa itna tel le cin a it lo muanglo aa, a nuamlo om kei ni teh, na telloh man hizaw Pa hong itna in nang hong ngakngak lai hi ven.

SIANG SAWN LAPI -58

KEY - 

• Siangsawn paal za namcin te tawh, van aa Pa tongciam tuang hong tungta aa, siangsawn paalna tui tawh, ka taksa pianna gam in na gam in na gam in, ngun leh suai tui luanna gam, misiangtho te tenna gam a hi.

Engine zaitha muibang ki pei, khamkhua suak ding hi ta...

• Siangsawn van gam paalhoih na in, lei aa hoihna kei hong zeem khin zo ta, misiangtho te hoih na in vantungmi kiko ding aa, lei leh van misiangtho te thupha piakna gam hong paing dinghi.

SIANG SAWN LAPI -59

KEY - 

Misiangtho ka suah na'ng lam hong khak te thuak ding ka geel ciangin ken geelzo keng e, lei aa misiangtho suahna paalna za namkim tawh a ki zeem singsawn hoihna ka luah dinghi.

• Vantungmi ci leh sa omna gam aa misiangtho, te thupha piakna gam hi ding aa, misiangtho a nial te in 7 mawhna thuakna kulhpi 7 tawh omna gam a suak dinghi, itna kulhpi 7 kikhak dinghi.

• Siangsawn paal za nam kim te tawh ka Pa kiang ka tun ni caingin, misiangtho khang gawl bang a khak te thuak ding 77 khang 7 hun tawp na thuak ding lailung ah geel ngam keng e.

SIANG SAWN LAPI -60

KEY - D

• Mawhna zatam pi tawh sawl bang a hei hi'ng, hoihna leh phatna ki dim na Pa ka hi hong zuan ve aw.., itna aw tawh hong sam, mawhna tui bang a siang ta e ka ta aw e.

Hong it mah ingh hong muang lua ingh, na gam tangzai hen na min lian hen, lungdamna koh ding sim loh leiba dang ken nei nawn keng e..,lungdamna koh ding sim loh leiba dang ken nei nawnkeng e..,

• Paal hoih namcin tawh ki zeem, tung khai mu bang sang laam tangh e, hoihna aw midik khaici, van mite ka tang zo hi.

SIANG SAWN LAPI -61

KEY - E

• Itna neih zah sem khia ve ni, upna thukho thangsak dingin, zatmi hong suaksak khasiangtho tawh, zawhna ngah ding lei leh van ah.

Khasiangtho sapna aw hong ging mah leh, don lo phawk lo von lung mawl te, itna taktak tawh hong samkik hi, thu khensa nei minam hong suaksak hi.

• Zekai kei un semkhia meng un simlei ah hun ka khek dinghi, zatmi thu khenna hang leitung ukna, biakna thukhun kikhek dinghi.

• Pa aw nang kong muh loh laitak itna tawh nong ki pholaak kik, theih na khat zong neilo lung mawl kei lel, aw lamdang lua nong itna lian.

SIANG SAWN LAPI -62

KEY - G

• Phawk tawntung ning Pasian itna, liansak in maw gal et bek hong ci, hong taisan lo vantung tokhom, muding hong sam ngaihsun in maw.

Zinleeng nan na vantung thupha, pian leh khan hong ki kheksak pa, mivom mikang a nuaisiahna, khaa thu khenna nial zolo ding.

• Miza lunggulh Pasian guallai ah, ih aangtan na nuntaakna tui, damna munsiang khuathak hong pai, nin leh siang khen Zatmi hong pai, mainawt ve ni.

SIANG SAWN LAPI -63

KEY - Bb

• Hih leitung nunna pa aw nang lo in, lungnop om thei lo lung khamna bek hi, nang tawh ka om ciang bek lung muanna om, ki cing ngeilo leitung lung kimna om theilo.

Deih teng ki cinna Pa kong nei khin aa, thuak dan ka siam ta Tapa nang nong om ciang, khitui luan dong in kong thuumna aw te, Tapa min tawh bek in deih teng ki cing hi.

• Pa aw nanglo in haksatna te khempeuh, thuak zawhna omlo haksa sa lua ingh, hi bang Tapa in hong thuaksak zo hi, ka khitui luang zong in thuak dan ka siam ta.

• Sanggam tampi  leh lawm leh gual tampi, hun hoih te paisan lainat huai hi ven, hih zong ih pa in aw neem tawh hong sam, Tapa deih sakna in tawntung nuntaakna.

SIANG SAWN LAPI -64

KEY - E

• Tapa aw kei ding na thuak na te, Tapa aw kei ding nong tha lawhna, gentheih liangvai zatam kaal ah, sung gilkial zaitha neem in, luankhi nul in sian tawh ho lung nong kum.

Nong itna te thukzo kei ning, leitung na lian ngun leh kham tawh, lei zawh loh ding nong itna lian lua, lungdamna zaila ka awiawi ding, ka luankhi in nong itna leh zo ken teh.

• Misiangtho ka pa nong itna lian, misiangtho kumpipa nong huaina, simlei miza nong khualna, puaksing bang lel omlai lenliang, tual ah khia in zin tawh gi bang nong khen.

SIANG SAWN LAPI -65

KEY - Bb

• Pasian Tapa ken ka muang hi, manpha ka sa Pasian Tapa, a mah ka um ka muang vantung nuntaak, tawntung na-lampi hi vantung nuntaak na khut ka let laitak, khah ngeilo in-en gige ning-Pasian zuan in-ka pai ding.

Na nuntaakna tawng nung pen ah, kei nong koih hi nangmah zuan in, kong pai laitak lamkhial lo in.., nang maa aangsung kei hong keem den, lung muan kha muanna tha hong guan, na hoih na nong mu sak zua sianmang aw.

• Tu ni thupha om na Pasian ka zuat laitak ka gal khat ah, ze-etna khuamial guam thukpi ah, pai ngei kei ning ka masuan ah Pa Pasian in kei hong mu sak- tawntung kham khuapi ka tung dong-khawl lo in kei-ka pai suak ding.

• A theu theilo thupha guah zu bang in nopna kei ka tungah, hong luan laitak bua sak kei ning tua thupha te khempeuh, keem in ka nuntaak pih ding hi kei mah bang in, dangtaak mite tungah zong dang taak nawn loh na-ka pia ding hi.

SIANG SAWN LAPI -66

KEY - C

• Tawntung siangsawn Pasian gam, nuam hong lak khin na hih man, tua siangsawn gamnuam ih tun dong, taanna lamdang te tawh taang, tua kham khuapi ih tun dong, nung hei lo in pai suak ding.

Tapa aw nang hong muang ingh, Pasian Tapa aw nang hongmu ingh, Tapa aw kenhong zuan ingh, Tapa aw kei hong zuun aw.

• Tua kham khuapi ih tun dong, zatmi ma suan in, ih pai ding aa eite in, kuamah ki nusia lo in, khasiangtho Pasian tawh ih, ton khawm ding aa ih om khawm dinghi.

• Kham khuapi ih tun dong, kuamah ki nusia lo in, vantung kumpipa khut sung, lungdamna te veng ngeilo, tawntung itna mun nuampi lungmuang eite ih om khawm hi.

SIANG SAWN LAPI -67

KEY - A

• Ka nunna khasiangtho Pasian-tawntung nuntaakna sungah, ka om a mah tawntung nuntaakna hang, lung nopna leh kha muanna-tawh hong tonpih tua tawntung, nuntaakna in siangsawn-kham khuapi hi.

Tua mun ih tun ni ciang-dahna kahna te om nawnlo, haksat gimna te om nawnlo, khitui luanna cih te-om nawnlo hi, tua mun in siangsawn Pasian van-tung innpi nuam.

• Miza tam pi'n puak sing bang lel-laitak ka upna leh, muanna in hong kalsuan pih-miza tam pi'n, mu na pi mulo bang lel aa om laitak a bei ngeilo, thupha kamciam in kei hong ton pih.

• Zatmi dawi dem kum giat lom thum-cinna sung ka ki bual aa, ka nuntaak sung nat leh sat ka thuakna te, pan hong honkhia in ka lung kham-na pan lung nopna hong pia, tawntung nuntaakna sung hong tonpih- Zatmi te hi.

SIANG SAWN LAPI -68

KEY - Eb

• Mawhna in hong tuam cip laitak keimah na Pa hong mu zolo, lungsim vangik pua a bu ka tate aw na bukna pan hong paikhia in, hong zuan meng un ni tum in ni suak theilo bangin na omna pan, na puak vangik nusia in kei hong zuan kik te tawh ka om khawm nuam.

Vantung tokhom ka hongpia hi, vantung tokhom nusia kei in, kei hong zuan mi vantung tokhom ka pia ding aa, a vul theilo paak tawh ki bang nuntaak tawntung na tu ni in, hong zuan in hong pai suak un tawl damna ken kong pia thei dinghi.

• Lungsim vangik a pua a tuuk ka tate aw na omna pan, hong paikhia in bu zo kei ni teh na pauk gimna lungsim vangik kong suahkhia ding, a hong suak ding ni taang bangin na nuntaakna ki khek kik dinghi, na bukna pa pusuak khia in keimah tawntung nuntaakna Pa Pasian hong suan kik in.

• A hong suakkik ni taang bangin na nuntaak na hong kikhek ding aa, na bukna pan pusuak in thupha leh nopna gam hong pia na Pa Pasian, hong zuan mite in na muh na ding hong khaktan thei aa siatna te, nusia in keimaa kiang nong tun ma teng tu in hong pai suak in.

SIANGSAWN LAPI -69

KEY - Eb

• Ka nuntaakna lampi hi siangsawn hi ka lampi, hong hilh Pasian maipha a hong mu sak, maipha maipha ka ngahna tua nopna ken nei ingh, etlawm mahmah siangsawn sungah ka om ciang. 

Vantung inn vantung inn pi tawntung nop na, ki cing nop na gam bang hih innpi sung ah, nopna tung tahen thupha tung tahen, vantung mite thupha piakna piang tahen. 

• Misiang te thupha piakna kip tahen kho tahen, kha siangtho teenna innpi na deih bangin, misiangtho teenna innpi nei tahen nei tahen, nopna innpi piang tahen piang tahen.

SIANGSAWN LAPI -70

KEY - G

• Van lai aa leeng vasa te in, ansaal neilo in an kham uhhi, haksatna a thuak laitak, mual kuam pi kantan uhhi. 

Kei ka omna ah ka om na ah, Pa Pasian in kei hong len den hi, kei hong muang te ka khah kei ding ci, ka muan in Pasian a hi. 

• Ka lam et in Pasian a hi, kei hong huh in ka ki sap na te, hong zawhpih in linna lau na, ka thuak nawn kei ding uh hi.

SIANGSAWN LAPI -71

KEY - C

• Thangvan sang pan Pasian Tapa hong pai simlei nunzia khek dingin, tawntung nuntaakna hongpia sol khapi hong taang bangin mun khempeuh taan in suak hi, Pasian Tapa hong suak. 

Hilhkikna nong hilhkikna thusiangtho, ka ngaihsut ciang nong itna lamdang lua, khanglui ngei khanglui ngeina nusia in tawntung nuntaakna thusiangtho, nong pai pih aa nang tawh ka om khawm hi. 

• Meeipi ki khawm khuapi guah zu ding vanging khua phia mun khempeuh taan, guah zu hong theu vantung ka et ciang, dum dikdet aksi te taang silsisal, Pasian Tapa hong suak, leitung ah meeipi bei mai khakna hong bei, kham khuapi zuan in hong paipih hi. 

• Sun thum zan thum na lamdang hong lah te leh thusiangtho ka theihloh, nong hilhkik ciang koteaa ding nong itna lamdang van leh lei, na bawlsa khempeuh lamdang lua hi. 

• Misiangtho vantung teipaak taanna Pasian lamhilh zui in pai ding, vantung thusiangtho lamkhial lo, Pasian Tapa ih zui ding misiangtho khuapi, singkung tung aa vasa haam te zaknop ka sa, bu suang ka muh ciang, hong itna lian in thuthuk mahmah hi.

SIANGSAWN LAPI -72

KEY - D

• Van sang bel pan ni bang aa hong suak, Pasian Tapa eite kiangah nuntaak khuamial khuavaak sak pa, tawldam lungnop hong pia, vantung kum pi honpa Tapa leitung pian ki kheksak pa, lung damna lungdamna thu phat un, mun khempeuh ah na min thang hen. 

Kumpi kumpi vantung kumpi Pasian phat un, sapna ngai un phat un Pasian phat un, lungdamna eite kiangah om hi, Pasian in amaa van mite hong sam, lei mi hi nawnlo vantungmi ih suak khin hi, leinuai lungsim nusia vantung Pasian zuan in phat ni. 

• Hilhkik Pasian Tapa khasiangtho, zatmi hong pai vantung thusiangtho, phatak zui ding hong deihna hang hilhkikna khasiangtho, zatmi tawntung lungdamna thu hong puak Pasian, nuntaakna nun taakna thusiangtho, zatmi hunpha manpha Pasian zatmi. 

• Vantung kong khakpi ki hong ta, honpa Tapa kha siangtho zatmi, eite køiangah hongpai vantungmi te, peengkuul mut vanlai zang thawn, phatna lasa a ging thei khempeuh Pasian minphat, vantung kumpi vantung kumpi na sem eite kiangah hong pai.

SIANGSAWN LAPI -73

KEY - Eb

• Vantung lungdamna thu, Tapa a um mi khempeuh, kulhpi ki tam zo hi, Tapa luahza ngah in, nuntaakna kikhek in, leitung na lamdang te sa’ng, lamdang zaw misiangtho te lamdang zaw. 

Pa aw, Pa aw a ci itna lungsim, a pia min suahtaak, na leh nuntaak thak na, a pia amaa nuntaakna lampi. 

• Misiangtho te omna, thupha piakna gam suak zo, vantung minam ngeina, teen zia ki khek ding aa, leitung in manpha in, gal leh sa ki neihna, ki deidan na te hong bei ding bei ding. 

SIANGSAWN LAPI -74

KEY - Eb

• Tu ni tu ni hun ka neih khempeuh Pasian nisim ka hun hong zangh leitung ka hun lui khempeuh nusia in, vantung nuntaakna tawh kei hong paipih in a tawntung kei hong tonpih in, Pasian in a Tapa kei aa ding hong pia hi. 

Nungta ingh nungta ingh Pasian tawh nungta ingh, ka masuan ah vantungmi Pasian taanna lamdang ten, kei hong taan si nawnlo ding tawntung nuntaak na ah, upna gah khaici vawh in, hing tawntung ding bei ngei lo ding.

•  A masa pen Pasian a Tapa hong pia khia vantung itna in lian hi ken zong ka lungsim neihzah leh, a masa pen tawntung Pasian phat den ning, tua ni ciang leitung nuam in ki muhdahna nei ding aa, khan sauna piang dinghi.

SIANGSAWN LAPI -75

KEY - F

• Pian leh khan ki khek zo, amaa aa ka hi ta, a aang sungah kei hong koih zo, kei ka lungmuang ta hi, vantungmi thupha piak a gam nuam dong ka lungmuang ta. 

Maipha maipha hong mu sak in pa aw kei nang tawh om khawm nuam ingh, na nun taakna sung a tawntung in, kei ka om nuam hi kei hong len in, sih nawn lohna kei hong paipih in. 

• Nisim na damna leh a ki cing an vaakna hong pia in la ka gal khempeuh, hong zawhpih tawn tung in midang te aa dingin, nuntaakna lampi hong hi sak aw. 

SIANGSAWN LAPI -76

KEY - C

• Tua khuapi khuapi ka gal et ciang, et in lawm ee tee diamdiam, lamdang taanna te tawh ki lawm, ei misiangtho te vantungmi te tawh phatna, la sa khawm diamdiam, tua mun ih tun ni ciang nopna bei lo ding. 

Misiangtho te van gamnuam ih pai ni ciang, vantungmi tawh leeng khawm in zaitha tawlna, omlo ding, vantung peeng kul hong ging in van laizang thawn, nun taakna mual liap te kiang khua hong vaak ding, tu ni ka lungdamna in, Pasian Tapa khasiangtho tawh ka nung ta. 

• Vanlaizang aa leeng, vasa te cikciang, zaitha tawlna bei thei diam, bang hun ciang misiangtho te bangin, nungta paisuak ding, kua in thei ding ahi hiam, khasiangtho neilo te, upna si te van gamnuam tung lo dinghi. 

• Misiangtho te in, Pasian gam leh, dikna zong masa leng maw, khasiangtho eite sung nungta, lei aa ih ciam te van ah kip in ih ciam bang, in hong piang dinghi, khasiangtho in ih nuntaakna hong hilh hi.

SIANGSAWN LAPI -77

KEY - Eb

• Nisim ka khual zin na lei guam thukpi bang hi aa, hong kantan pih den hi vantungmi ten, hong om pih tawntung hi aa van mite tawh innkuan in, zawhna thu a maa zawhna ka zawhna hi. 

Ka ansaal hong dipsak hi, ka damna leh ka hatna, mong nei lo ciangtan omlo thu pha nong pia, tawntung pan a tawntung ah nopna thupha hong pia in, amah tawh kei ka nungta tawntung dinghi. 

• A lamdang lamdang lua sang Pa Pasian na hoihna, tua vanmi siangtho te tawh simlei tung ah, a lamdang na lian pi sem ding a mau tawh maa pang khawm in, khuavaak sung taang tawntung ding ka nuntaakna. 

• Kei hong sam pa muanhuai hi kumpi te kumpipa hi, a aang sung sapna omlo lung deih cing hi, amaa sung lung muang peuh leng buai na teng hong veng ding aa, a mah lam en mite kiang maa hong pang ding. 

SIANGSAWN LAPI -78

KEY - C

• Nisim in na aang sung ah, nong kep ciang, mong neilo in, nopna innkuan hong suak sak. 

Khasiangtho khasiangtho aw, na thahatna ka nunna, hong zawh pih, khasiangtho kha siangtho tha, na thahatna nuam e nuam e. 

• Pasian Tapa in a ki niamkhiat mi te tungah, tawntung nuntaakna hong pia. 

• Lungsim dang a nei lo mi, te tungah vantung Pasian, kiang tun dong hong pai pih. 

• Pasain tapa mitsuan gige, eite ih pai khawm ding, a maa zawh bang, ei ten ih zo ding. 

SIANGSAWN LAPI -79

KEY - C

• Kumpi kumpi a lian bel, Pasian phat un zuan ni, lungsim vangik pua aa gim mi khempeuh, tawl damna hong pia ka vangik te ki suah zo aa, sang pen lungdam na ngah ta ingh, Pasian maipha ka muh ni, kham khuapi lungdamna. 

Huh hon pa pa khasiangtho, hong sapna za lo beng ngong bang, khanglui ngeina lungsim nei hong nin sak kulhpi ki tamzo, ka lungdamna in, misiangtho hong suak sak, van sang bel, lungdamna thu, ngah zo ingh. 

• Tu ni ka lungdamna, khasiangtho tawh, ki nai semsem, upna gah khaici hong po, vui leh gah, ka lawh ma teng, ngak ning thupha hong tun ma dong ngak ning, ka thuak khitui, mal khat in, sang pen lapsang na hong piang ding, vantung thuciam ngah zo. 

SIANGSAWN LAPI -80

KEY - F

• Pasian Tapa huhpa honpa na khempeuh a piang sak pa a hi, mi khempeuh in phat un phat un, hong suak kumpipa huhpa honpa, a lungdam mi a lungdam mi khempeuh in phat unla, lungdam mi khempeuh in thupha ngah tahen. 

Vantung kumpi Pasian Tapa a vanglian bel hi, Pasian Tapa hong itna lamdang lua sa’ng, ni kha aksi te lamdang bangin te lamdang bangin, Pasian Tapa lamdang lua sa ingh. 

• Itna leh hehpihna ki cing mawhnei mi te mawh maisak pa a hi, natna nei te damna pia hi, Pasian Tapa in huhpa honpa, lungsim vangik pua aa gim mi te tawldamna pia hi, sihna pan hinkik na nuntaak tawntung na. 

SIANGSAWN LAPI -81

KEY - C

• Zan siangtho hong tung in vantung ka et ciang, aksi te hong tee diamdiam (tee diamdiam) aa muhnop mahmah khazau leeng te zong, mu ingh Pasian bawlsa hi ih phat ding aa, a mau omna ciat pan taanna a lamdang, tua te ken mu kha ingh. 

Nipi ni zingsang khuavaak tuung Pasianphatna innpi, zuan minphat minphatna tau sang tung, lei pan aa piang gah leh teh a siangtho Pasian phatna vantungmi, nuam in a mau maitaina leh taanna, a lamdang te tausang tung, lungdamna thu ka muh ciang, Pasian ta ki tel ingh.

• Ki ginni zan siangtho hong tung in Pasian, ih phat ding aa misiangtho (misiangtho) te in, lei pan aa a piang gah leh teh tawh, Pasian phat in tua laitak (tua laitak) van sangbel pan vantung kumpi lian bel pa hopihna aw za ingh.

• Phatna siangtho a nei te hong muhnop na, ka lungsim ah ki langhsak, tel zo ingh ken tua ni zan siangtho mah nuamsa pen ingh, misiangtho te vantungmi (vantungmi) hong ki langh na khut siangtho thupha pia un, na ciam bang van ah piang.

SIANGSAWN LAPI -82

KEY - F

• Pasian in hong bawlcil in khaici tang neu khat gah hi, zung kha kung lian ka suah nading, khasiangtho nuntaakna tawh, hong bawl vantungmi ka hi, hong vawhna mun ah liim leh gah nei ding. 

Misiangtho khangsim in bei ngeilo ding thuciam piak te, vantung kumpipa kiang tun dong, khawl hun om lo ding vantung innkuan khum in namtui na, kong piak thu ciam nungta tawntung dinghi. 

• Liim leh gah a nei singkung lianpi te nuntaakna in, nuntaakna a nei te’n beel in, singkung gah in limna ki bang a neih bangin itna, upna ki bang nei in ih phat khawm ding. 

• Tua khaici gah te bangin lim in namtui na keem, huih hualpi hong nung ahi zong, vantung kumpipa mai ah itna siasak ngeilo ding, khanggui ki zom khaici manpha suak ding. 

SIANGSAWN LAPI -83

KEY - D

• Pasian Tapa nuntaakna sung lungsim ki, tuak i ta khawm ni amaa khut, kuak muanhuai sungah innkuan ki itna ki, khah ngeilo in ki len kip ni, vantung kumpipa nuntaakna sung lungsim, ngaih sutna te ki tuak khawm ni, nuntaakna huanpi sung dong khut te ki, len in ih ton khawm ding.

Lungsim siangtho thupha a ki pia mite, om pih in ka keem tawntung ding, thupha ki piakna zah vantung pan nisim, vantungmi na sepna hong piang, khasiangtho Pasian, in hong makaih den in, hong zawh pih hi. 

• Tua mun tun ciang ih gen ding thu misiangtho, te lung ki hual in upna gah, khaici ih tuh bang hong po ding thupha gah, khumna namtui na ki bang ding, van a sangbel Pasian Tapa nuntaakna in, mi siangtho te sung hong nungta, nuntaakna lammaan hong hilh in lungsim khempeuh, hong thei khin zo. 

• Singkung hiangzau gah tam nei khumna ki bang, zu leh va ten nuntaak pih in, lei pan a piang gah leh teh tawh phatna in, thupha hong zuan mite khempeuh, Pasian nuntaakna sungah khumna ki bang, nungta khawm ding vantungmi te, tawh phat khopna lei leh van ah vantung thuciam, bang hong piang ding. 

SIANGSAWN LAPI -84

KEY - G

• Vantung lungdamna siangtho, hong pia Pasian kei aa ding, ka belh muanhuai ka innpi na hi, ka suahtaakna leh damna, lungsim vangik ka puak laitak, a man kei a tawntung hong huh hi. 

Dahna khitui ka luan laitak, nuamna khitui nong suaksak aa, mawhna pan mawh mai na ka Pasian, suakta lo te suahtaakna ding, dam lo te damna na hi, Pa Pasian kei aa ding na hoih hi. 

• A man kei hong sawpsiang zo, khaici manpha hong suaksak, lungdamna thu gen in ka sasa ding, a minphat ding lo ngal ken, thu dang dang ken nei nawn keng, ka hu tawp dong na min hong phat ning. 

SIANGSAWN LAPI -85

KEY - G

• Taanna lamdang te tawh taang misiang tho te hihang e, sang pen Pa Pasian kiang ih tun dong in, kuamah nung hei lo in pai suak ding mittaw khelbaai te, nusia lo tawldam na ih pia dinghi. 

Pasian Tapa aw ken hong beel den ingh, ken hong muang ingh nang tawh a tawn tung in, ton khawm den nuam ingh sapna om nawnlo, nuntaakna taanna lamdang te tawh. 

• Pasian zatmi masuan in kei ka pai ding tua ni ciang, ka lung muanna hong lian semsem ee, Pa kong itna lian semsem ee, nuntaakna lampi Pasian, kei aa ding cing sapna om nawnlo.

SIANGSAWN LAPI -86

KEY - C

• Simleimiza lai ah siangtho van nunna tawh hong pai, hong suak khia in Ta Pau Cin Hau, sian sawl in zing vai nong hawm maw, sang pen na mun luah za hong pia, Tapa aw nong itna in lian in ki cing hi. 

Sang pen na thupha hong pia, sapna omlo nunna hong pia, misiangtho kumpipa nun taakna, lamdang vangliatna pha, manpha van mi pilna hi, lei ah na vawh khaici man pha hong suakkik ta. 

• A siangtho nuntaakna thusiangtho tawh hong suakkhia, zatmi huan sung lamdang zatmi hong thuakna ha’ng deih teng ki cing, tua mun hi lamdang vantung lungdamna zawhna, lamdang misiangtho kumpipa. 

• Ka khialhna te hong it sit lo, ka sapna te hong nusia lo, vai bang nong dawn lamdang lua nong itna kong itna sang lian zaw, itna hong nei khasiangtho aw, ki pak khut siangtho te lamsang hong phat den ning.

SIANGSAWN LAPI -87

KEY - G

• Nisim vantung teipi nin leh siang hong khen den, misiangtho leh lei mi hong khen den hi, ze-etna lian khuamial bang kantan in hong paipih, nuntaakna siangtho hong lut pih hi. 

• Mihing nunna pumpi amaa khut sung om hi, vangliatna lamdang nei Pa leh Tapa, dawi biakna sawm guk leh giat a zozo pa ahi, lei leh van vanglian khut in uk hi. 

Man neihna kei hong tang sak, vangliatna ei hongpia, khasiangtho galhiam in hong zawhpih (hong zawhpih), nisim in hun hong gualh sak Pa leh Tapa hun nuam, siangtho na sung ah hong keem den hi.

• Pasian Tapa masuan amaa kiang ka tun dong, misiangtho te len in ka ton pih ding, ki khah lo ding tua gamnuam ka tun dong ton pih ning, misiangtho te tawh ka pai khawm ding.

SIANGSAWN LAPI -88

KEY - Eb

• Vanglian khut in kei hong len tawntung ka nunna, haksatna ka thuak ciang hong ton pih hong zawhpih hi, Pasian leh a Tapa zatmi ten hong zawh sak zo, kei aa ding lungkhamna buai na ken nei nawn keng. 

Siangsawn van kham lukhu, taanna lam dang tawh taang, lung muanna tawl dam na kei aa hi ta, vantungmi in hong lawng hi, ka ansaal hong dipsak, khasiangtho Pasian ken na min phat ing. 

• Misiangtho te thupha kam hong ciam nop sakna, sagih pan sagih khang sagih dong nopsakna, lei nopsakna bek hilo vantung ciah ni ciang, tua thupha lei leh van uk zawhna vangliatna.

SIANGSAWN LAPI -89

KEY - Eb

• Gun tui luang te khempeuh kiko in, mual leh guam te khempeuh kiko ding, sun aa ni taang bangin zan in khua hong vaak dinghi, nuntaak nuam in hin sawt khan sauna, hong piang ding ka Tapa thaman hang, Zogam leitangh kham khuapi suak in ni bang hong taang ding. 

Mi khempeuh in hong zuan dinghi, mi siangtho hong ki lunggulh in, khat leh khat ki itna hong piang ding aa, lungdam na leh maitaina vive, thupha tawh innkuan khat hi ding aa, Pasian minphat ki deidan na om nawnlo ding. 

• Misiangtho te manpha mahmah ding, Pasian teel mi hong ki lunggulh in, suan leh khak te hong ki lunggulh in hong zuan ding aa, misiang tho khat bek om na ah zong, nopsak lawhna dong hong piang dinghi, tua ni ciangin vantung minam ut ingh hong kici ding. 

SIANGSAWN LAPI -90

KEY - C

• A ki hahlo ankung te itna tawh, keem in ki mu thei piakkhiatna, thumaan taktak lah khiatna vawh khaici a hi, hong manpha ding hong manpha ding, vantung hoihna kham lukhu manpha tawh, eite ih mang khawm ding. 

A vulsa paakpalh in hong no suak bang, ih nuntaakna hoihna dikna lamdang tawh hong zuun ding aa, dangtaak mi leh vangik pua mite, khasiangthoPasian min tawh, nuntaakna tui tawi in tawldamna, ih pia dinghi. 

• Vantung nuntaakna thusiangtho manpha, phatak aa zui mite nunna, lungnop tawldam na tuinaak bang phul tawntung ding, kang ngeilo ding kang ngeilo ding, a maute gal bei ding aa kha siangtho, in zawh pih tawntung ding. 

SIANGSAWN LAPI -91

KEY - Eb

• Tapa aw simlei tung ah gua bangin nong hin sung in, sian piak sinthu lam bang na zuih manin, phung leh gual sanggam laizom ten, sam gi bangin nang hong khen maw. 

Nong itna in lian zen si, kei aa ding, huhpa honpa aw nang aa ding ka nuntaakna in bang a hiam, kei aa ding na thuak khitui te bang zah ta in manpha, ahi hiam lungdam lua ingh, Pasian Tapa nong itna. 

• Haksatna lung lelh zatam, simlei mi zatam te a ding, na thuakna te lian lua ee, Pasian Tapa kei aa ding nong thalawhna hang, tu ni man nong neisak ta maw. 

• Thaman nei zolo ganhing, neu pen zong ban zolo tualniam nunna, khua mu lo mittaw bang bengngong bang ka om laitak in, nong itna thu nong tel sak maw. 

SIANGSAWN LAPI -92

KEY - G

• Nisim ih nuntaakna sungah vantung teipi, a nin leh a siang hong khen den aa, ih lungsim sung ah zong hong khen den hi. 

Pasian a it mi leh, a zahtaak mite meelhoih suak, innkuan nuam misiangtho te lei leh van uk ding, vantung minam lian te ih suak zo hi. 

• Ze etna-lungsim kampau gamtat, pumpi neihsa ih kep lah manin Pa leh Tapa, maipha ih muh nading hong khaktan hi.

SIANGSAWN LAPI -93

KEY - C

• Itna leh hehpihna tawh kote nong sam aa, siatna ka bawl hangin hong nusia ngeilo, sihna pan hinkikna misiangtho nong suaksak aa, nong piak thupha lungdam na min siang tho hong phat ingh. 

Tapa thaman hang, misiangtho ka tang zo, linna leh launa om nawnlo suahtaakna, damna hong piapa ka belh innpi ahi, nun taak tawntung na lampi zong ahi. 

• Pasian thusiang thupha zuihna in eite gal, khempeuh bei sak misiangtho suahna zong ahi, lamkhial aa om mite hilhkikna tawh nong sam aa, mawh nei mite zong mawhna pan nong suakta sak.

SIANGSAWN LAPI -94

KEY - Eb

• Pau Cin Hau Pasian siangsawn nuntaakna thusiangtho, zui thei zangh thei aa ih nun taak pih ciang, a siangtho kalsuanna in, misiangtho pawlpi te hi aa, siangsawn pawlpi misiangtho te hihang. 

Misiangtho kaihkhop ni ciangin, mission te sapna awging in, vantungmi ten peeng kuul mut in vantung thukhenna piang, tua ni ciang pian leh khan kikhek, a lui na te a thak piang ding, belhding innpi mi siangtho kumpipa. 

• Vantung mi ten peng kuul mut khit ciang, Pau Cin Hau nuntaakna thusiangtho thuman tak tak ih zuih ni ciang, vantung siang sawn lungdamna in, hing sil sial nuntaak na sungah, sap na omlo tawntung nopsak na hi. 

• Cimawh genthei haksatna thuak eite taang, Pasian Tapa hongding in eite khempeuh tungah, ngaihsut siamna hongpia in, a heh pih huai mite nusia lo in, Tua in Pasian Tapa hong it na, hehpihna ha’ng hi. 

SIANGSAWN LAPI -95

KEY - G

• Leitung ngeina te tawh buai in, thaman nei zolo ganhing te, nuntaakna ban zolo ka om lai tak, hong honkhia dingin Pasian Tapa, vantung vangliatna tawh vantung pan, vantung nuntaak na thuhilh in, hong pai na thu tello ka om laitak, Pasian zatmi ten hong hilhkik.

Leimi pan suahtaakna hong pia van tungmi suan leh khak misiangtho te,hong suakkik sak, vantung lungdamna, tawntung nun taak nopsakna, hong pia Pasian, ka belh ding innpi muanhuai penpen na hi. 

• Leitung mite suahtaak nading, Pasian Tapa leh zatmi ten, gentheih haksatna thuak hong thalawh sak, na min hong phat lo na tate in, belhding neilo in om laitak, nong itna thupha tawh hong zuun, ka lungdamna in leitung ka nunna, na deihna bangin hong zangh in. 

SIANGSAWN LAPI -96

KEY - Eb

• Vantung tawntung nuntaak, na tawh hong ki pelh sak, leitung khanglui ngeina te nial in, nangmaa laitak ka gal lian pen, nang hong mang na ka sep, ngilh sak thei, te hong bei sak in. 

Thumaan lam hong hilh, vantung teipi, kawkna lampi ka zui ding vantung kumpi, pa tawh maa pang khawm in, zawhna lung damna tawh, a namtui pen paakhuan bang ka suak ding. 

• Leitung mite nuntaak, na thusiangtho hilh in, a puak uh vangik te suahkhia in, ki itna piang ding, ka om na mun khempeuh, man phatna leh hoihna tawh ki dim den ding. 

SIANGSAWN LAPI -97

KEY - Eb

• Pa leh Tapa kei lam ni bang hong suak ciang, lungsim vangik te om nawnlo maipha khak tan te zong bei ka suakta zo (ka suakta zo) lung nopna leh lungdamna tun kei aa hi ta. 

Misiangtho ten kuan in sem khia ve ni, (lungsim takpi tawh) en sem kei leng kuan sem ding hiam, ki phalna leh lung damna tawh Pasian min, en phat denni (en phat den ni). 

• Pa Pasian in a nuntaakna sung hong om sak, a min phat in a mah lian sak mite tung a nun taakna, om a tawntung (a tawntung in), itna ih piakkhiatna in amah tawh ih om khawm.

SIANGSAWN LAPI -98

KEY - F

• Nisim nong piak nuntaakna, nisim nong piak lungdamna, nong ompih hi a tawntung nong zawhpih hi, nisim in nong hopih hi, lungsim khempeuh tawh kong phat hi, laam in diang in khut te laam to hong phat ning. 

Ka aw neih teng khempeuh tawh, ka hun tawp dong hong phat ning, a vanglian bel kumpi te kumpipa, na min hong phatphat nuam ingh, a lianbel kumpipa aw, kha siangtho ka pa Pasian aw. 

• Na thahatna nong guan hi, nisim in an nong vaak hi, tawntung ka ansaal nong dip tawntung hi, lung gimna ken nei nawn keng, lung buaina ken nei nawn keng, ka natna khempeuh zong nong dam sak hi.

SIANGSAWN LAPI -99

KEY - C

• Khasiangtho Pasian aw, nisim in nang lo in, kei kalsuan zo kei ning kei hong len aw, a tawn tung in na mai, pha a mu zo dingin, ka zing vai hong hawm aw, khasiangtho aw. 

Hong nusia ngei ken maw, hong mangngilh ngei ken maw, itna tawngnung pen tawh ken hong sam ingh, kong ki kohna aw te hong dawng aw Pa Pasian, hong lung gulh ingh na maipha mu nuam ingh. 

• Ka nuntaakna khua hong, vaaksak in nang maa kiang, kong tun dong in, ka khut ah hong len aw, nisim in na hoihna, a lian zaw mu nuam ingh, na gam nuam deih, teng a ki cin bang in. 

SIANGSAWN LAPI -100

KEY - 

• Huhpa honpa khasiangtho lei mite aa ding hong pai laitak, thau leh tei tawh, thah leh mat in sawm uh, tua hun laitak vantung thuhilhna in leitung, ukza nei te thu neihna bei ding ci, be ding ci. 

Na theihloh man uh hi zaw, na telloh man uh hi zaw, nang leh kei honkhia dingin, van sangbel pan, huhpa honpa khasiang tho, ci leh sa tawh naungek bang, hong suak in ei te sung hong nungta. 

• Tapa in hong thuakna te, lei mite aa ding, nun taakna, khuapi sung vantung lungdamna, thu tel le uh cin a nuam lo ding om kei nu teh, a lungdam lo kuamah omlo dinghi, omlo dinghi. 

• Van sangbel thupha kamciam, nong piak minam te, misiangtho Pasian ta taktak, ka hi lungdam, lua ingh Pa nong itna lungdam koh ding, lo ngal lei bat dang, ken nei nawn keng, na min hong phat ning, hong phat den ning.

SIANGSAWN LAPI -101

KEY - Bb

• Lei mi te khempeuh aa dingin honpa, misiang tho kumpi eite honpa, van a sangbel na pan nang leh kei aa dingin khasiangtho tawh eite aa dingin hong pai hi. 

Vanlaizang pan thupha, hongpiak van tung minam taktak ka hi, leitung in kei hong zo thei nawnlo ding, Pasian teelmi hi zo ingh Pasian ta ka hizo hi.

• Mittaw khelbaai khempeuh hong honkhia aa, Pasian thei nailo te hong hilh hi, khasiangtho lungdam na thupha eite hong pia a teel mi leh a zatmi hong suaksak hi. 

• Pasian ta ka hih lam ken ka tel aa, lungdamna koh ding simloh nei keng, kham khuapi ka tun na’ng kei ka lungmuang zo ta, kei aa ding Tapa in hong zawh sak zo hi.

SIANGSAWN LAPI -102

KEY - 

• U leh nau aw hih leitung ah minphat ding aa pai hihang, ki sap omlo aki cing gam nuam om hi, Pasian bawlsa van innpi ah a tawntung om ding hihang, khasiangtho in Pa leh Tapa min phat ding. 

Deidanna om lohna mun mi zawng mi hau cih omlo, mittaw khelbaai om lohna mun vantung ah, Pa leh Tapa a muang ten a maa sungah pumkhat in, van inn nuam ah Pasain minphat khawm ding. 

• Hih leitung ah tagah haksa deidanna a om hangin, van innpi ah deidanna om nawnlo ding, ki nenniamna mipil mihai deidanna a om zong in, van innpi ah deidanna om nawnlo ding. 

• Minam pil leh mi gam lian te ci in aki khen uh hang in, beh leh phung ki khenna te a om zong in, ki do na leh ki khenna te leitung ah kikhen zong in, van innpi ah kikhenna om nawn lo ding.

SIANGSAWN LAPI -103

KEY - Eb

• Vantung kumpipa tawh innkuan khat ka hi zo, ka innkuan lutang in Pasian ahi, a vangliat na tawh na khempeuh piangsak pa hi, van leh lei a bawl Pa Pasian ahi. 

Tua vanglian kumpipa kuamah in en ngamlo, vangliatna khempeuh pua Pasian ahi, a um mite suakta a it mite damna, a muang mite aa ding tawntung nunna. 

• A mah leh a Tapa a it mi khempeuh te, lung kham haksatna tawh ki pelh ding aa, gilkial dangtaakna leh gen theih haksatna te, om nawnlo ding amah a um mite.

SIANGSAWN LAPI -104

KEY - 

• Pasian Tapa simlei ah hong pai hi, leitung khuavaak sak amaa vangliatna tawh, van tungmi thupha piaksa hihang, amaa teel minam lian, hong suaksak hi. 

Eite Pasian in nau bang hong keem, van tung lungdamna thusiangtho tawh, ki itna thupha hong pia hi a min phat den ning. 

• Itna omlo a sia gamtatna, a sawpsiang ding vantung kumpi hong pai, a siangtho nuntaak na sung hong koih, khasiangtho thupha ei hong tuam den tahen.

SIANGSAWN LAPI -105

KEY - Eb

• Pasian Tapa in eite sungah, huhpa honpa in hong pai khin zo hi, a um mite aa ding suah taakna, a muang mite aa ding tawldamna. 

Hong phat ning Pa na hoihna te gen cim thei keng, hong phat den ning mong neilo itna tawngnung, pen tawh nong it tawn tung den hi. 

• Nong itna lian in thuk in zai hi, misiangtho te aa ding manpha hi, a vul theilo paak nam tui te tawh, ki bang misiangtho te hihang e.

SIANGSAWN LAPI -106

KEY - C

• Leimi khempeuh huhpa leh honpa hi lei mite aa ding, khasiangtho ei aa ding hong pai, simmawh bawlsiatna thuak in, cil phihna hong thuak, teipi leh thau zum leh hiam thuak hi. 

Sianmang in ni bang awi lo in naupang note in, khe vei diamdiam in la sa, nuai simlei lun ta te aw, na kaih zatam gil al bang mang ding hi. 

• Amaa hong itna lamdang ei aa sa’ngin lian zaw aa, eite mawhna hong maisak, hih thu thei lecin nuamlo in om kei ni teh, na tel loh man hi kong it sanggam. 

• Vantung thuhilh naupang ten, lasa hi vantung mi ten, thu hilh hi uk za nei tampi te, sianmang tuanglam a khak te gawl bang in puk ding, sianmang tuanglam a khak zo omlo.

SIANGSAWN LAPI -107

KEY - F

• Van sangbel pan vantung kumpipa Pasian, vantung innpi tawh vanlai ah hong kum suk in, leitung mun khempeuh hong taan laitak kua mah in, Pasian thei lo lei mi khempeuh te aa ding, huhpa honpa khasiangtho vantung vangliatna tawh hong pai hi. 

Pasian Tapa lei mi te aa ding, mi zawng gen theih haksatna thuak te aa ding, lung gim khim zing khuamial nunna pan, khua vaak nuntaak thak na ah hong paipih hi. 

• Sim lei tungah ki dei dan na hong bei in, nopna gam piang mi khempeuh lungdam dinghi, Pasian ta ka hih na tel khin zo lungdam na, ka koh ding sim loh lei bat dang nei nawn keng, huhpa honpa khasiangtho tawntung nuntaak na hong pia hi.

SIANGSAWN LAPI  -108

KEY - Eb

• Vansang bel kongpi ki hong ta, Tapa ei te suun in hong suak, leitung mun khempeuh tan in a om laitak, leimi khempeuh ii nuntaakna, kham khuapi sung ih tun dong in, a thupha hong puak in hong ton pih hi. 

Leitung mi ten tua vantung lungdamna thu, itna a sangpen hong pia Pasiantel lo in, a om laitak huh pa honpa khasiangtho hong pai na, lungdam mi khempeuh in thupha ngah tahen. 

• Khuamial nuntaakna a nei te, nang leh kei khuavaak nuntaakna, ah hong paipih hot khiat ngah misiangtho ih hi, thupha ngah misiangtho ih hi, upna taktak a nei te hi, zuih na siangtho a nei Pasian ta ih hi.

SIANGSAWN LAPI -109

KEY - Ab

• Eite ih pai khawm hi, tua nopna gam zuan in, ih pai laitak kua in, hong khak tan zo ding, hong khak tan mi te thuak, ding gim na kua in puak, pih zo ding a hi hiam, misiangtho te kua man su sia zo lo dinghi. 

Tua khuapi nopna thu kua in gen zo ding a hiam, ei misiangtho te khasiangtho tun na ding mun, ka ngaihsut ciang, ka upna tha hong khauh semsem, Pasian vangliatna hong ki langh semsem, Pa aw na vangliat na in, lam dang in aw lamdang lua sang. 

• Pasian sungah lungdam, na in kha tha hat na vantung mi te phat bang, misiangtho ten zong phat ding aa vantung na, sep na lian piang in nop na khua pi hong suak ding, hih thu a nial zo kua mah om lo ding hi.

SIANGSAWN LAPI -110

KEY - G

• (Pa Pasian),2 na Tapa leh zatmi te kong muh ciangin, lamdang lua nong itna, lamdang lua sa’ng vantungmi, ci leh sa, tawh ka nungta tawntung ding Tapa lungtang, siangtho nuntaakna tawh, leileh van uk, siangtho Pasian tawh. 

Tapa leh, zatmi tawh, ton khawm ding, van tung thuciam bang ka sem ding aa, lei leh van uk zawhna, nuntaakna tui ken, ka nei khin zo hi. 

• (Pa Pasian),2 na nuntaakna tawh ka nungta tawn tung ding, vanglian khut, tawh hong len, vantung mite misiangtho, te tawh khut, ki len tawntung na min kong phat den dinghi, na lamdang, na bawl te, lamdang lua sa’ng, khasiangtho Pasian.

SIANGSAWN LAPI -111

KEY - 

• Lei mi khempeuh te aa ding, huhpa honpa hong pai laitak, lei mi te in nuai nen thangbawl tham loh, thah ding na dong na sawm aa, haksatna a thuak laitak sian in thu hong khen aa, nuai sim lei aa lunta te aw, na kaih za tam gil al bang mang ding hi, ci-in thu hong pia hi. 

Pasian Tapa hong suak lei mite aa ding, nuntaak thakna khuavaak hong puakpa, huhpa honpa khasiangtho hongsuak khia aa, tawntung nuntaakna hong puak in, hong pai ta hong pai na thu thei le cin nuam lo in om kei ni teh. 

• Pasian Tapa in a khut taklam in hong teel aa, hong teel mite misiangtho te intaanna lam dang tawh taang in, hong zeem aa hi bang-lungdamna thugen cim thei keng sut cim thei keng nong itna, zaila in ka sasa ding, lungdamna ka koh ding simloh ngal- ken leiba dang nei nawn keng.

SIANGSAWN LAPI -112

KEY - Eb

• Pasian upna tawh ki phal aa sepkhiat thaman a gah in, Pasian leh a Tapa a lawng kha hi aa, hak satna na thuak laitak, nopna khuapi sung ah hong kal suan pih Pasian Tapa, itna ih sungah nungta tawntung, tua khuapi sung ah lung muang zo ing. 

Pasian itna leiba cikmah hun in, thuk zolo ding hong itna te lianlua, bei ngeilo hi leitung tomkal itna sang, a tawntung itna hong nei, Pasian mah zong ma sa ni. 

• Upna thahatna tawh, kalsuan in om laitak in, vantungmi te thukho pan na hi aa, nisim lungdam na tawh Pasian minphatna in vantung hoih na te leh, leitung hoih na te, tawh hong zeem ding hong zuun ding vantung na sepna hi.

SIANGSAWN LAPI -113

KEY - C

• Khasiangtho ka Pa Pasian aw, nisim hong lam en den ing, nang kiang lo aki cing nunna, tawntung nuntaakna omlo hi. 

Kong lam et na te sang, nong lam etna lianzaw hi, vantung siangsawn gamnuam kong tun dong in, na thupha tawh nong lam en den hi. 

• Ka mawhna te nong maisak hi, ka nunna nong sawpsiang hi, lamkhial mite lammaan nong hilh, itna tawh nong samkik hi.

SIANGSAWN LAPI -114

KEY - 

• Khasiangtho Pasian aw nisim in, lam hong hilh den in hong len den in, nang kong mangngilh loh nadingin, na mai ah kei om nuam den ing, nisim nang leh misiangtho te tawh, ki len khawm in na min hong phat nuam ing. 

Aki nusia mite, kei ut kei ingh, aki mang ngilh mite kei ut kei ingh, nang tawh kal suan khawm ding ka ut zaw hi, na min siangtho phat phat ding kei ut zaw ingh. 

• Pa aw nang hong ngaihsun lo in,, na bawlsa te thupi ka sak zawk ding, aw kei ka lau hi kei ka nunna ah, nang hong thei lo mi tawh ma suan khawm in, nang kong let na ka khah khak ding, kei ka lau hi, ka pa Pasian aw.

SIANGSAWN LAPI -115

KEY - Eb

• Van sang bel pan vangliatna, vantung kongpi ki hong in, Pasian Tapa hong suak kumpipa, huhpa honpa ding hong pai, lei mi khempeuh nuntaakna, - khua hong vaak ta. 

Khuamial gam Misiangtho vantung minam, thupha kam ciam hong piak, Pasian ta taktak ka hihi, itna thupha hong piak, a minphat lungdam koh-ding loh ngal a dang ken nei keng. 

• Vantung kumpipa Pasian a innpi tawh van laizang ah, hong ki langh taanna lamdang tawh, mun khem peuh taan khasiang tho – hong itna te ka tel ciang in – a teel mi hong suak sak.

SIANGSAWN LAPI -116

KEY - Eb

• Simlei tung ka nunna sungah Pasian nong piak thupha te dawimangpa deihna lungsim ngaih sut gamtatna tawh pai in, na maipha hong mu zo keng zawhna in nang aa hi lei nunna in ki cing omlo.

Huhpa honpa khasiangtho aw nang tawh ka ki nai zaw nuam hi na khutma tawh kei hong len in nang tawh tonkhawm den nuam ing vang lian khasiangtho nuntaakna sungah. 

• Nindum sungpan keimah hong laam to in zawhna omlo khasiangtho nanglo in zawhna om kei, kong tel zo na maipha hong mu nuam ing deih teng ki cinna in nang bek na hi hong sang in kong zuan kik hi.

SIANGSAWN LAPI -117

KEY - G

• Khangsiangtho vangliatna tawh hong pai leitung mite aa ding, huhpa honpa ahi simmawh bawlsiat na hong thuak laitak vantungmi ten thuhilh in lasa uh. 

(Khevei diamdiam in lasa uhhi, nuai simlei aa lun tate na kaih zatam gil al bang mang ding ) Pasian Tapa hong suak mun khempeuh taan in nuntaakna kham khuapi tun dong, thupha hongpia hih lungdamna thu na tel ni ciang nuamlo in om kei ni teh lungdamna thu. 

• A lungdam lo kuamah om ken teh, na telloh man hi zaw nang leh kei hong itna thu huh pa, honpa khasiangtho eite sung hong nungta aa alianzaw itna ei hong pia hi.

SIANGSAWN LAPI -118

KEY - Eb

• Neih leh lamh teng hong bei in paallai zaitha hong neem e ka ki muang ki liatsakna teng zong hong bei ta aa, mawhna lian tawh ki dim in leitung gual nopna sungah vak vai in al bang mang ding hi tangh. 

Hong nusia lo itna tawh hong sam ka nun taakna tualniam nong lam to hi Tapa hong pailo hi zen leh ka nuntaakna bang hi ding hiam aw Pa aw lungdam luankhi nul ingh. 

• Haksatna ka thuak laitak Tapa kei hong len in ka ta aw ci in ang sungah kei nong pom den aa ka natna teng hong damsak nuntaakna tui nong luan maw ka nuntaakna khuamial khua nong vaak sak.

SIANGSAWN LAPI -119

KEY - 

• Lei mite aa ding huhpa honpa khasiangtho hong pai tua mi ten a muh ciangin phuancil paih in kawlciangleh tei tawh sawm uh ee. 

Pasian Tapa hong suak lungdamna thu tel lecin a nuamlo kuamah omkei nuteh na tel loh man hizaw na theihloh man uh hi zaw ee. 

• Nang leh kei honkhia dingin vantung gam a sang bel siangsawn pan hong pai in leitung mun khempeuh taan in om ta ee, khasiangtho ei sung hong nungta ee.

SIANGSAWN LAPI -120

KEY - 

• Note keimaa hotkhiatna thu tawh kalsuan pih in, vantungmi te tawh nuamsa khawm in, keimah tel minam lian te na hi uhhi note, ka Tapa tawh ka om khawmsak hi. 

Ka Tapa paipihna lampi in thumaan leh, thutang nuntaak tawntung na lampi hi, Tapa deihna bang thupha piakna tua gam nuam, ah om te hing silsial tawntung ding hi. 

• Innkuan sung ki it in nopsakna a pian nading, Tapa in khuavaak thupha hong puak in, ka Tapa sim loh in, note hong honkhia om kei, nopna gam hong paipih ka Tapa hi.

SIANGSAWN LAPI -121

KEY - G

• Misiangtho te ka minam te hi, ka Tapa khut taklam hong teel khin zo hi, bangmah in hong susia zolo ding aa, vantung vangliatna kua ma’n zolo ding. 

Misiangtho ten phat na lasa uh hi, nop na sung om khawm ding, vantung thupha ki sim zolo ding aa, lungdam na thu eite aa dinghi. 

• Pian leh khan hong kikhek sak ding aa, a lui na te a thak ah hong piangsak dinghi, misiangtho ten lei leh van uk ding aa, tua ni ciang leitung hong no suak dinghi. 

SIANGSAWN LAPI -122

KEY - F

• Vantung minam lian te in, khua ih zong ding aa, leitung ah vantungmi ten ki itna zongin, ki itna te unau innkuan khat piang, Pasian bawlsa na khempeuh no suak in, vantung hoihna tawh, hong zeem hong zuun ding aa dawimangpa galhiam, ki muhdahna ki telkhialhna hong bei ding. 

Pasian in vantungmi te pilna khempeuh tawh hong zangh, hin sawtna leh khansau na hong piak vantungmi te pilna hoihna te hong hilh in, a zangh thei ding Pasian teel mi leh, a thupha piak minam siangsawn van kham lukhu, a hong piak misiangtho, vantung minam lian te hihang.

•  Misiangtho khat bek thupha, piakna in na vawh khaici, hong po ding aa, na liim ah khawl in na thupha vawh te, khempeuh gah in, na gah hong ki lo ding aa, mihing leh ganhing te in ki vaakna in, a neih bangin mite aa ding in, nopsakna a piang na vawh khaici a ngah na hi dinghi.

SIANGSAWN LAPI -123

KEY - G

• Leitung ah nuntaak zia ding lam hong hilh, lam hong lak in misiangtho kumpi zua mang hong pai aa mizat tuun leh zua pa hi, lunggim gen theihna hong thuak, nong itna lung in ngilhngei kei ning. 

Ka nuntaakna khua hong vaaksak Pasian leh Tapa hong mu sak ka pai na ding lam hong hilh aa ki cing nuntaakna hong pia, a tawntung kei hong keem den, Pa leh Tapa na min hong phat den ning. 

• Ka mawhna teng hong maisak, lamkhial te lam maan hong lak, hong tonpih in kei hong len tawntung, silh leh teen neek leh dawn zia hong hilh in, kei hong pantah zua mang aw nong itna ngilh kei ning. 

• Pasian maipha ka muh na’ng, Pasian tawh hong ki nai sak, nuntaakna thusiangtho hong hilhkik aa, vantung innkuan hong suaksak, vantung ciahkik nading dong lam hong hilh, ka tuun leh zua na hi.

SIANGSAWN LAPI -124

KEY - C

• Lungdamna thu thei lo ka om laitak, nang itna leh hehpihna thu theilo ka om laitak, siatna in hong tuam ciang. 

Ka nuntaakna sungah Tapa nuntaakna hong om ciang lamdang lua Pa Pasian nang tawh ka nuntaak ciang lamdang lua sa’ng. 

• Mawhna nei mite hong honkhia in nindum sung pan kei nong sam khia, ka nuntaakna sungah ni bang hong suak Pasian a Tapa hi. 

• Phat ning phat ning nong itna lamdang lua nong hotkhiatna ka ngah khin zo, vantung innkuan ka suak khin zo, vantungmi tawh.

SIANGSAWN LAPI -125

KEY - D

• Misiangtho ten Pasian kiang pan thupha te ei aa ding hong ki pia tungah lungdam ni, ih kalsuanna lam tang tawn pai leng thupha leh ih hun ten hong paisan lo ding. 

Nuntaakna lampi kalsuan laitak aki cing nuntaakna hong pia hi, ki niam khiatna tawh Pasian ih zon ciang leitung pan van tung nunna ei aa dinghi. 

• Sim leitung ih pian khiat nial ding omlo hi, misiangtho ih hihna in zong thumaan hi, Pasian hong piak nuntaakna lampi, thumaan zui leng nopsakna ih ngah dinghi.

SIANGSAWN LAPI -126

KEY - D

• Kei itna khitui luan dong aa sapna aw te ka saang aa hong nial mite kohna aw te ka za kei ding, nisim na hun neih khempeuh keimaa vaihawmna a piang tawntung ding a masa pen pen na lungsim nong pia ding. 

A masa pen piakkhiatna in note aa ding thupha ngahna hi, thupha ngah mite ka thupha ngah mite na hi uhhi, na it mi ten hong simmawh hong bawlsia te tung na thuk kei in, hong ki gensia te tung na thuk kei un. 

• No nasep uh ciang keimaa sep ding om nawnlo kei in note taa’ngin thuk in ka sem ding kei hong um taktak mite nong upna zah tawh ka sep thupha piaksa suan leh khak siangsawn misiangtho te na hi uhhi.

SIANGSAWN LAPI -127

KEY - Eb

• Vantungmi nuntaakna in leitung mihing te sungah ka koih khit ciang si leh sa in leitung ah suakkhia vantungmi lim leh meel tawh piangkhia in khasiangtho keimaa Pasian lim leh meel note sungah ka nungta sak hi. 

Lungdam lua ungh pa na minphat ding nong paisak ka pumpi uh vantung thupiak na bang sem zo ding vantung kumpipa itna sang pen nong pia aa lei ah zawhna hong piang in van kham lukhu ih khu dinghi. 

• Vantung khaici nuntaakna tawh note kong piang khia sak ci leh sa in leitung ah ka bawlsa te khem peuh sa’ngin note lamdang zaw leitung ah om khempeuh uk zawhna neih theih nading khaici manpha kong suaksak hi.

SIANGSAWN LAPI -128

KEY - C

• Vantung kumpipa aw mawh nei te nong maisak, ka theih loh thupha te nong hilh, khaici manpha suak in midik mi ka tang zo, na nuntaakna sung nungta ingh. 

Nang kong zuan kong beel hi ka nunna kha, lungmuanna na hi vantung kumpipa, Pasian nang bek na hi vantung minam, lian hong suaksak in, thupha nong pia hi. 

• Ka ki lawmna in nong itna leh hehpihna, ha’ng misiangtho ka tang zo hi, hong nusia ngeilo in tawntung nunna nong pia, nisim nuntaak thak nong pia hi. 

• Ki cinna neihloh ha’ng nisim ka lungdam na’n, na maipha mu nong kalsuan pih, ka innkuan pih te tawh ki lawmna zong nong pia, nang kiang tun dong hong keem den in.

SIANGSAWN LAPI -129

KEY - G

• Tawntung in nop sak na a tawn tung in nun tak na tawn tung in sih theih nawn loh na ka gam nuam kong lak zo ka dik na hong zuan in ka zat mi te ma suan in. 

Khasiangtho Khasiangtho kei sung nung ta nang nong om ciang nuam zen si khat leh khat ki it na zat mi masuan in ih pai ding kham khua pi ih tun dong. 

• Innkuan in ki it leng innkuan in lung dam in Innkuan in Pasian min phat leng Khasiangtho lung dam aa mai tai na vive hi Inn kuan lutang Pasian hi.
  
  

SIANGSAWN LAPI -130

KEY - Eb

• Misiangtho sap ni ciang, lam et loh lai tak, misiangtho sap na vantung peeng kul ging ding, vang lian khut thu neih na tel na hong piang ding, up na singtho mite hong kai khawm ding.

Misiangtho kum pi pa hong pai khin zo aa, vantung mi te peng kul hong mut khin zo ta, misiangtho kai khawm, nang leh kei hong sam kua mah in thei khawllo vantung mi hongpai, a mah lam en mite kiang hong pai hi.

• Hilh kik na thu siangtho in lam hong hilh zo, vanglian khut in hong len zat mi hong suaksak, hih thu ka ngaih sut ciang nong it na lian lua, lungdam na min siangtho ken hong phat ing.

• Vantung miten peeng kul mut khin zo ta aa, thupha vawh misiangtho te hong pai khin zo, leitung uk na ki khek pian leh khan ki khek, mun khempeuh ah thu neih na ki khek ding.

SIANGSAWN LAPI - 131

KEY - G

• Thupha leh vantung gam nuam luah nang,leitung lungsim ki dem na tawh kua mah in,thupha luah zo lo,up na lam et na neu te in, vantung gamnuam kong khak ah ta zo lo ding... 

Ka leitung lungsim bei ciang ka lup na pan hong phong to pasian tapa in,hong pai pih (a maa vang lian khut tawh)len in kei hong kal suan pih, tua gam nuam nop na ka pai lai tak tua thu ka gen gen ding hi (vantung khua ka tun dong) 

• Vantung nuntaakna thusiangtho ngaih sut,a siam mi tung, ka khawl kei ding aa,dang taak mi te tui pia un la,gil kial mi te, an vaak in nop na gam ah ih pai pih ding.

SIANGSAWN LAPI - 132

KEY - Eb

• Tapa muang in ken bel ning a min siang tho phatphat ning a man pha hoih na lam dang te phat ning cik mah hun nusia kei ning ka nuntak pih tawntung ding a nuntak na khut len den ning.

Tapa mit suan in tawn tung en gige ning van khua pi tawn tung nun na siangsawn gam tun dong lung kia lo in ih pai suak ding kua mah ki nu sia lo in siang sawn kham khua pi ih tun dong .

• Kalung muan na lian sem sem kong it na in lian semsem kha siangtho tawh khut ki len ka om ciang lei tung na te nusia in van khua pi ka tun ni ciang Tapa klhut ken ka len den ding.

• Nuntak na hak sat na te mual pi bang in hong dal zong Tapa in hong hep khiat sak khin zo ta hak sat na guam thuk pi te kan tan in hong zawh sak zo tua hang kei ka suak ta zo hi. 

SIANGSAWN LAPI - 133

KEY - Eb

• Misiangtho kumpi'n hong hon khia zo ta, ka puak van gik teng hong bei sak, hak sat na kulh pan, hong hon khia zo ta, Tapa in, kei hong nusia ngei lo.

Ka lungsim khempeuh, tawh nang hong phat hi, nong itna thu gengen ning e ee, a khut muan huai sung, kei hong koih khin zo, vantung gam nuam dong kei ka lung muang ta.

• Nisim hong phat ning, misiangtho kumpi, mi khempeuh nuntaak na na hi, gil kial dang tak te ann leh tui nong pia, misiangtho kumpi pa hong phat ning.

• Nat na pan damna, sihna pan hinna, mawh nei mite mawh mai na hong pia, hilh kik thu siangtho, tawh lam hong hilh aa, misiangtho kumpi pa hong phat ning.

SIANGSAWN LAPI - 134

KEY - Ab

• Huh pa hon pa ta Tapa nuntaak, na suangah ka om khin zo ta, dah na lungkham lau na om lo, ka tha nem hun ciang kei hong huh, ka ta aw ci'in hong sam.

Mawh na pan hong sawp siang khin zo, nat na pan dam na hong pia, ka lungdam na thu, tawp hun omlo, na min hong phat ing.

• Nuntaak na huan pi sung paak hoih, nam tui tawh kei hong nungta sak, ki sia theilo a tawntung in, nop sakna ki cing, a tawntung, tawntung bei theilo ding.

• Ka ta aw ci in kei hong sam aa, a khut siangtho tawh kei hong len, Pasian Tapa huh pa hon pa, kha siangtho kei sung a tawntung in hong nungta hi.

SIANGSAWN LAPI - 135

KEY - F

• Van leh lei piang sak aa, na khempeuh aa bawl hi, mi khempeuh tungah lungdam na (gen in hong hon khia zo hi) a um mi khempeuh aa, ding in suah tak na leh, zat mi to khom ei hong pia hi.

Vantung min peeng kul mut khin zo nang leh kei, misiangtho hong suaksak zo, (zatmi to khom) hong pia hi, nong itna lamdang hehpih na te lian lua, bang tawh teh theih ding itna, lian pen zatmi to khom.

• Vantung kumpi pa phat, un leitung mi khempeuh, uk na thu khun thak hong piang ding, (vantung thu man hong piang ding) itna leh heh pihna, tawh hong pai mawh nei mi, te mawh mai na a hong pia hi.

• Khua mial lungsim van gik, pua gim mite hong hon, khia zo ka nun na hong lamto, (hong itna mah khum pen sang) heh pih na sung ka om, hong itna sung ka om, aa khut muan huai tawh hong len hi.

SIANGSAWN LAPI - 136

KEY - C

• Ka lung sim van gik ki suah khin zota tui duh dang tak om nawn loh na gam nuam zuan in ka pai aa khua vak thak nun taak tawn tung na hong pia van tung thu hilh nasem te khua vaak lam hong hilh hi. 

Tua lungdam na thu agen ding vantung kumpi pa nasem te hong pai sak lei tung honuam in a vul sa paak te nosuak ki ding van tung ciah ni ciang Pa Pasian mai pha ka mu ding Tapa khut ken ka len ding aa lungdam mai tai tak in a min kaphat ding hi.. 

• Misiang tho te tawh om mah nuam pen sang nop na zuan in kapai aa lungsim van gik suah khia in vantung pan leitung ka uk kik hun dong zatmi te atawn tungin mitsuan in kapai ding. 

• Hilh kik na vantung pengkul mutkhin zo vantung kumpi a lian bel pa thu hilh te hong pai zo a tua hang kei ka lung muan na lian sem sem kha siang tho tawh ka pai ciang lung dam na lian sem sem.

SIANGSAWN LAPI - 138

KEY - Ab

• Lung dam na thu ken ngah zo ing mi siang tho ka suak zo ta van tung mi tawh khut ki len khawm phat zai awi mah nuam. 

Lung kham na bei nopna hg tung kei leh ka inn kuan sung kha siang tho in hg ma kaih aa Pasian inn kuan hing. 

• Van tung mi te peng kul mut in Pasian min phat na la sa ei te hg lawng thu pha hong pia tua mah nuam pen sang.

• Kha siang tho kei sung hong nung ta kei zong a ma aa ka hi Pasian ta pa ken nei zo ing kei ka lung muang ta.

SIANGSAWN LAPI - 139

KEY - Ab

• Vantung kumpi lian bel, mai ah a ki bang ki, itna nei mite tung, vantung, mi hong ki langh, misiangtho ten, Pasian phat un, Tapa khut siangtho, len un sol khapi bang aa hong tang, zatmi ma suan kham khuapi tun dong, ki nusia ngeilo in, ih pai khawm ding.

Tua gam nuam ah, dah na huih pi bang hong nung nawn lo ding aa maw, kua teng ki mu kik ding vantung mi in, a theih kholh bangin tua gam nuam ah, vantung lai tawh ka min, ki gelh khin zo , maipha maipha ken, mu kha ding, tua gam nuam ah

• Mawh nei te nusia ta, pi ding maw sih na pan, hin kik na huh pa hon pa khut, siangtho len un, zatmi thu khen, ngaihsut na a siangtho pia un, tua ni ciang leitung ngei na van te, hong bei ding hi a hun om lai in, huh pa hon pa zuan un, hong ngak lai hi.

• Kham khua pi ka tun ciang, Pa Pasian maipha ka, mu kha ding ka lungdam na in, singkung tung aa, vasa te ham, zak nop mahmah, ka sak bang kong gen, thu te leh kong phat na la te, zak nop sa aa hong ngaihsut tawntung, Pa Pasian Tapa nang, na lian bel hi.

SIANGSAWN LAPI - 140

KEY - F

• Ka lungsim khempeuh kong piak khit ciang ka lung nop aa nang, kong ngaih sut ciang ka sap na te hong bei, tawldam na na hi nang  mah ka lungsim khempeuh nong thei, tha hat na nisim in nong guan hi.

Tua in ka tawl dam na hi, tua in ka tha hatna hi, na maipha zong in mu mu nuam ing, tua in ka lungdam na hi, hong kem ka Pasian in hong, sawp siang ka sapna teng hong sik hi.

• Nuam sa penpen ing sap na aw hong dawng ka Pasian aw, hong lam en ingh ka tha hat na na hi, nang sung mah nuam sa pen ingh nuntaak tawntung na na hi, a ki cing thupha nang sung om hi.

• A ki bang lungsim ih neih khit ciang vantung kumpipa'n, vanglian khut tawh hong len in hong pom den, lung muan na na hi na maipha ka muh ciang ka leitung, van gik khempeuh hong ki suah khia hi.

SIANGSAWN LAPI - 141

KEY - Eb

• Leitung aa ka vak kawikawi ciangin, sing kung te nim dil dial lo no ne, ganhing te in ann tam na zuan in, huih dam te hong nung hiau hiau pa aw, vasa te in, a no ann vak ka muh ciang, bang zah in nuam sa uh hiam

Kei nong itna bang zah lian, na nuntaakna kei ka om hi, nuntaakna, a ki cing kong pia zo, na...lungdam in, leitung khang sim bei loding, vantung mi te tawh, lei leh van uk kik ding aa...hih thu bei ngeilo ding hi.

• Misiangtho, te aw Pasian phat un, phat na la sasa un a ging thei, khempeuh te tawh Pasian min phat un, khai ci te hong po ding aa vui lian, gah hong tam ding ann saal te hong dim ding hi, vantung kumpipa lian hi.

• Vantung kumpipa lungsim za un, ngaihsun un, thu um lo mite in, mit khua phiat kal bek in zong leitung, van te hong bei ding vantung mi in, uk na gam hong, piang ding misiangtho te, lin na lau na om lo ding

SIANGSAWN LAPI - 142

KEY - C 

• Man nei lo nuntaakna pan hong hon khia, kei hong it Pasian Tapa Pau Cin Hau, na khut tawh kei nong len aa, hak sat na ka thuak hun ciang, na nuntaakna tui tawh tawldam na nong pia.

Suah kik hot khiat na hong pia, misiangtho kumpipa, ka nuntaakna lam pi khua nong vak sak hi, ka natna teng nong dam sak, ka puk ciang in nong phong aa, na nuntaakna tui tawh tawl dam na nong pia.

• Hilh kikna Pasian Tapa hong pai, vantung mi'n vantung peeng kul hong mut in, misiangtho hong kai khawm in, nuntaakna hong sawp siang aa, lungdam lua in Pa Pasian kei nong itna

SIANGSAWN LAPI - 143

KEY - Bb

• Ka thu tawh leitung ka lok ding aa, ni leh kha te ki lok ding aa, na om na mun a kip kei ding aa, kei mah in na khempeuh bawl in, ka uk thei hi a cih hilo maw, za nai lo in mu nailo maw sang gam.

• A thu in leitung vantung zeel in, a mah in lei leh van uk thei pa hi aa, a min phat huai, a mah muan tak hi lo maw, hong leng aw it luat ngaih no te awi a hoih na leh a dik na thu tong kum khawm dih ni.

Ka san sa hi na cih khak leh, ka tel sa hi na cih khak leh, a mah in khawl hun nei lo in paipai den hi aa, nang na ut leh na khawl in la, kei ka khawl ngei kei ding a ci, na san sa zong san lui sing dang suak ding hi.

• Lim belh ding omlo, kha muan nang om lo, ci-in tautau nawn ken, na belh ding innpi hong pai lam nang thei lo maw, sung gil kial lai dip nem in, na kha tha nem gawl bang puk ken, na sung tui hong dip ding leh na kha tha dip nang, Tapa thuak na lung ngai leng, thawh loh in puk ding hi thei nawnlo hi.

SIANGSAWN LAPI - 144

KEY - C

• Kha siangtho Pasian Tapa hot khiat na thu ka ngah zo (lungdam na thupha) ka sungah hong nuntaak ciang Pasian tawh ka ki lawm na hi.

Hot khiat ngah sa mi khempeuh thanbgvan sang tun theih na ding lungsim siangtho Pasian phawk tawntung ni hot khiat na hong nungta ding Tapa luah za hong pia zo a kip tawntung hot khiat na hong pia hi.

• Misiangtho nuntaakna sung mawh mai sak na a ngah zo (khang lui lungsim nei) nin dum sung a tuak kik te hot khiat na a taan kik ding hi.

SIANGSAWN LAPI - 145

KEY - G

• Man nei zo lo in, ki cin na neilo, a gam mang ding lam khial in ka om, ka puk ding bang ee ka nuntaakna, dangtak in vul ing, na nuntaakna dam tui hong luan aw

• Hak sat na te leh, lau na te in maw, ka nuntaakna hih pi'n hong nawk e, ka puk ding bang e ka nuntaakna, ka belh ka Pasian aw, na vangliat na kei hong mu sak aw

• Bangbang a hi zong in, ka nun na nang khut sung om hi, a vanglian bel Pasian kong muang hi, a puk ngeilo Pasian, a ki sia ngeilo Pasian, na nuntaakna sung kei ka om hi.

SIANGSAWN LAPI - 146

KEY - C

• Sian mang tong ciam tuang hong tung, khim bang zing sa sim lei tung, hong hon khia kik Pasian zatmi ten, Pasian Tapa'n hong en kik, lei vui pan hong teng khia aa, a khut tak lam hong teel misiangtho te

Lungdam lua ung e, kha siangtho Pasian, nong itna leh nong heh pih na te, Pasian zatmi te, hong pai na hangin, ka ann saal, a tawntung hong dip hi.

• Hilh kik Pasian zatmi ten, hong pai n ahang sim lei tung, hong no suak ding it itna gam piang ding, thupha hong puak zatmi ten, hong pai ciangin ka inn sung, hong nuam sesem thupha zong tam semsem.

SIANGSAWN LAPI - 147

KEY - F

• Pasian nungta hi, a um mi khempeuh aa ding vantung kumpi, Pasian nungta hi, nang leh kei sungah, a tawntung in nungta hi

• Na inn kuan sungah,, nopsakna ngah ciangin a lungdam pen, Pasian mah aa hi, na lawh cing ciangin, a lungdam pen Pasian a hi

Van leh lei ni kha aksi, a siat ma dong kong phat ding, na hoih na thu gen gen in, sasa ning

• Na pumpi in Pasian aa hi, na mel hoihna Pasian aa hi, na pilna Pasian aa hi, na siam na Pasian aa hi na nuntaakna Pasian aa hi

SIANGSAWN LAPI - 148

KEY - F

• Na hoih na in kei hong tuam aa, heh pihna thupha nobng pia hi, lundam na thu, a sang penpen, piak khong thupha man phat na nam, khempeuh tawh nong tuam hang bek, hi nong hehpih na hang bek hi.

Leitung pilna siam na hbauh na leh, sum leh paai tawh na hoih na hong zong ding hi leng, leitung ka nuntaak hun sungin, na mai pha hong mu zo kei ning, nong itna hang bek hi.

• Pa aw nang sungah ka om ciang, nuam sa ingh nangn tawh ka om khawm, ka tha hat na ka tawl dam na, lung muan na leh kha muan na in, nang sungah lung deih teng ki cing, ka tha hat na hi.