DEIH NGETNA LA TE.

DEIH NGET NA LA (1)

1. Lung ka gimna sian in hong phel aa, thangvan hintui hong luan aa.

2. Sian dawh ai tang bang pha e, pham ding thel bang hong phong aw.

3. Lung ih tup bel sianmang aw, simlei tu bang suan ve aw.

4. Khan kumsawt aa tuan gen ding, pham mawh hintui hongluan aw.

5. Pham mawh hintui hong luan aw sian aw, gua bang hinna ding hi e.

6. Lung ih khamna kuan hong phel, tuang aa sianmang ahi e.

7. Tung aa mang lian sianmang aw, cik mah hun aa khia lo ding.

8. Ih nuai omlai a la'an leh, tung a sianmang ih ko ding.

9. Tung aa sianmang tong ko in, vontawi ham bang huai hen aw.

10. Sianmang liim ah ka khawl e, zin hong el lo bei ta e.

11. Hong sai zinleng za tam e, sian in ham bang huai ve aw.

12. Awi in sianmang ka ko aa, zinleng pal bang nang hi e.

13. A nuam bel in kua siang nuam, sianmang mun mah nuam bel e.

14. Sian sinthu tang bang pha e, hinloo damloo tawi hi e.

15. Hinloo damloo na tawi thang, paaitem bang kuah nuam ingh e.

DEIH NGETNA LA (2)

1. Lung ih khamna tual ah khiang, sianmang lam mah a nuam e.

2. Sianmang lam mah a nuam e, sian in hinloo tui luan e.

3. Lung ih gimna a bei aa, sianmang aang ah ka zaal e.

4. Sianmang aang ah ka zaal aa, lung ka muanna tam sang e.

5. Lung ka muanna a om aa, siangsawn damtui ka dawn e.

6. Za lun sianmang na dawh ai, nipi ni khuang thu hi e.

7. Nipi ni khuang na tawi thang, lenpuan bang kawm nuam ingh e.

8. Nipi ni khuang na dawh ai, pham mawh hintui hong luan aw.

9. Thangvan hinloo na tawi thang, pham mawh damtui hong luan aw.

10. Vannuai tong dot sianmang aw, lung aa ka ngaih bel hi e.

11. Om lai lung lelh tualkhiat na, tung aa sianmang ahi e.

12. Lung aa ngai lo a om leh, lung aa muanna omlo e.

13. Lung ka muan dang a om lo, tung aa sianmang muang ingh e.

14. Pham ding ci aa thel bang hong phong, tung aa sianmang a hi e.

15. Lung ka ngaih bel sianmang in, paak pa bang hong tawi tah e.

16. Lung ka ngaih bel sianmang aw, khan kum sawt aa khia lo ding.

17. Sian leh ni kha van leh klei, a om lai in tawp lo ding.

18. Sianmang tuanglam nih in ka, a pha lam zaw zui leng e.

19. A pha lam zaw zui thei leng, hinloo om na mel mu leng.

DEIH NGETNA LA (3)

1. Sian tongdam tang bang pha e, simlei thang van aa ze'el e.

2. Sian hawm siam neem dildial e, khua vannuai aang ah sia e.

3. Simlei namcih a pian na, tung aa sianmang ahi e.

4. A min lain bel sianmang lian, simlei miza a pianna.

5. Sian dawh ai tang bang pha e, hinloo damloo tawi hi e.

6. Tang bang damna kua bawl hiam, tung aa sianmang ahi e.

7. Sian aw e, thangvan na zilhza tung pan, vontawi ham bang na huaina.

8. Sianmang na hawm a siam aa, vannuai namcih na khual na.

9. Vannuai namcih na khual na, sunni tang sak nang hi cia.

10. Sunni taang sak nang hi cia, thulguah luang sak nang hi cia.

11. Sianmang a hawm a siam aa, simlei thangvan a dawh tam.

12. Simlei a dawh tam tung pan, mi cih sa cih a pianna.

13. Sianmang tawi thang a pha aa, hinloo damloo tawi hi e.

14. Vannuai taan sunni aw e, mi za siam sianmang aw e.

15. Mi za siam sianmang aw e, kum sawt ngilh loh ding aw e.