Embedded Files
Sunni tawh kim luntawi ta'an e, ka khan siah taang bang dem e.
Vontawi hui bang na mau lo vua, siah taang bang dem, samgi bang khen ding hi'ng e.
Sinlai tui bang ciim kiim hen aw, lung deih ci bang teel leng e.
Lung deih cii bang teel leeng e, pham ding thel bang tho hen aw.
Tung thangvan aa lun ka sinthu sian ka tongdam, loo meei bang kaai zo lo e.
Sian ka sinthu sut ning ci leng, phung tawh khenna ding ci e.
Vontawi ci bang a tawm zongin, sinlai tuibang ciim kiim hen aw.
Lungdeih tuu bang ka suan zongin, simlei ci bang lal ta ding aw, minthang siah bang niang aw e.
Sing za buang aa ka tuan leh ka sin thu'n simlei thawng tah e,lam bang paak pah ding sa'ng e.
Lam bang paak ding siah bang hong dem, len kum khua vei dih hen aw.
Sian sinthu leh lun ka sin thu'n pham ding thel bang phong sak tang e, khua vannuai aang ah siang e.
Sian ka sinthu a sang lo teng namcih gi bang khen ta ding aa, patpuan bang nem zo lo e.
Sian ka sinthu gi bang nek teng, zin aang ah zaal ding hi e.
Ka nial za in tam sang e, ka deih ci aa tawm aw e.
Thangvan aa zaal sian ka ai tawi, zin in na eng thei diam aw.
Simlei leh tangvan kaal ah e, ka bawl loh mi om lo e.
Sian ka sinthu a saanglo te'n, dimtui vangkhua za thum lai ah, lun dawhtam in ciing hen aw.
Tum bang huai kuan simlei thangvan kawm lah ding aa, sian ka sinthu aang lai zah ka zal sak e.
Page updated
Google Sites
Report abuse