Embedded Files
Thangvan aa zaal sian za mang aw, tongdam khak hem in za'ng e.
Pupa pat loh khua vaannuai aa, sian tongdam sinthu hi e.
Tung Pasian hawm siam lawmlawm e, zingleng laai ah mang aw e.
Simlei tungah namcih lai ah, khua vannuai aang ah sia'ng e.
Khua vaannuai liann limbelh sianmang, sesum namcin ngai ingh e.
Sian tongdam vang ka muan man in, za lai ah ki heek ingh e.
Simlei namcih ka khualna aw, sianmang tongdam in bia'ng e.
Thangvan aa zaal sianmang tong khak, simlei tungah khangsawn te'n na ciing hen aw.
Liimbelh sian lunmang aw e, na vang lumbang sung ingh e.
Phammawh na leh tangbang damna, duangah sawl bang baang ve aw.
Sianmang sinthu lun tongdam tawh gawm thei hi leng, tuibang ciim khawm nuam ingh e.
Thangvan aa zaal sianmang hawmsiam tong dong thei leng za ii lai ah, phek tang bang phah nuam ingh e.
Sianmang awi aa ka hei buang in, tatna gamkuam zai hen aw.
Singta'an hemlam hong hoo zongin, sian awi aa ki heek hi'ng e.
Sianmang awi lumsuang aw e, khan meel cik na ding aw e.
Pian dang ka tongdam aw e, vai tuunu mun zaam hen aw.
Ka ki hilna omlo e, sianmang mun ki hil ingh e.
Pianpuan bang thak za ta lunglelh, sianmang dawng hong kei hi'ng e.
Za lun sumtual ciau lumsuang phuh, pian dang ka simna hi e.
Sian awi khan pian tumdang sang e, ciau lumsuang in po hen aw.
Sianmang na kankong nen ah e, lung in a muang sam diam aw.
Za lun saumang tuang lam peel te, lung in a muang sam diam aw.
Za lun sawlsang ki heek ingh e, khang gawl bang khak tam tah e.
Simlei thangvan sianmang awi in, zing daai bang nawk zaal ingh e.
Za lun sianmang na dawh-ai aw, pham mawhna ding khuavan nuai in, lenpuan bang kawm nuam ingh e.
Khan kumsawt aa ih tuan gen ding, khua vannuai ah, lui khau bang zaam lai hen aw.
U leh ka nau za tam huai na, ka tongdam neem dildial e.
Ka min sing khua ah zaam hen aw, pian dang ka tongdam hi e.
Za lun tong dot sianmang awi in, hei dildial ingh namcih za tam, ka vang ni bang hong el lo vua, khan kum muan ding, pian ki khek sak kei hi'ng e.
Khan kumsawt aa lung aa ngilhsa, namcih tui bang siangsak tangh e, khua vannuai ki hil ingh e.
Sianmang tawh paai bang kop tangh e, simlei ah min zam ingh e.
Lumsun za lunmang aw e, hambang hong huai siam ve aw.
Tung thangvan aa sianmang tongdam, tuan khan aa ciin ding hi e.
Sian za mang tong dot aw e, namcih ta'an tem bang deih e.
Simzawng vontawi ka hi zong in, sianmang awi sinthu hi e.
U leh ka nau namcih vontawi, hemlam ho ki ba'ang hen aw.
Za lun sawlsang phung in khia gual in khia e, ka sin lai neem tuan lo e.
Sian tawh paai bang ka ki kop aa, tong ka khialhna omlo e.
Sianmang hawm siam khua vannuai ah ma bang ka pat sa hi e.
Phualcil paih ding ka lawmlo ee, lai hong lawh ding, siammang nuh ling dal hen aw.
Sianmang hawm siam pian dang tongdam, za lai ah thang hen ci'ng e.
Namcih tan tem bang deih e, tang gual phialva laam bang e.
Lung aa nong tup omlai laang aw, zinleeng biakna ning leh aisa, simlei thangvan kim sa'ng e.
Omlai khan lo bang lel tangh e, lungzuan man in, sianmang mun ki hil ingh e.
Phung tawh kum lo pian dang sa'ng e, khua vannuai ki hil ingh e.
Phung namcih in nong nial zongin, sianmang hawmsiam tong dongh thei leng, lung ka lau na omlo e.
Sianmang ka hawm hong nial lo vua, pupa khan aa sim khua zing sa, sunni tang sak kei hi'ng e.
Simlei mi za gua bang hin na'ng, thulguah luang sak kei hi'ng e.
A mi za ii tam lai ah e, lung tup bel aang ah sia'ng e.
Sianmang hawmsiam aang ah siat aw, khangsawn te'n muan in pha e.
Pian dang simnaa kumsawt sa'ng e, sian ang ah zaal zo ingh e.
Sianmang hawmsiam a sang lo ding, kei nun ah luai ba'ang hen aw.
Sian vontawi hing mi za'n ci e, siangsawn ah ka tuang hi e.
Lunglelh zatam hambang nil ing, sianmual ah han zai sa'ng e.
Simlei miza mimbang pianna, sian mun zaang neem dildial e.
Sian vontawi hi'ng ih ci zong aa, tongdam sang tuam om hi e.
Khan tuak khial bang ka phung lai ha, sian gim nam ta ning ci'ng e.
Sian gim nam ingh za ii lai ah, sian ang ah zaal zo ingh e.
Sing leel nuhpaam ah paii tangh e, sian ii vang aa muang hi'ng e.
Tung sunni bang sianmang taang e, siangsawn ah hei ning ci'ng e.
Sianmang hawm siam namcih zatam nong nial aa leh, vai mui bang pei ding hi'ng e.
Nam cih zatam hawm siam ve vua, hin gim nam lai hen ci'ng e.
Simlei namcih ka khuana aw zinleng palbang nang lah tangh e, sian in anglai ah sia e.
Huanggulh lengkel gilbuh al siahtang kai te, kai ah zak leng ding hi e.
Za lunmang tongdot aw e, na vang limsing bang beel ingh e, lung ka lau na omlo e.
Sianmang beel aa tongdam zawikaih, tung sunni bang sangsawn hen aw, khua vannuai in awi hen aw.
Tun leh ka zua a pham nua in, za lun tondam sang ingh e.
Za tam umtang bang khawl tangh e, ho va dial mah ngai ingh e.
Pupa pat loh u leh ka nau, banzal kaih ki zawng dial e.
Tung thangvan aa za lun mang in, tongdam kaih awi ding hi e.
Pupa pat loh banzal zawikaih, sian za lun sinthu hi e.
Lungdeih aa lak sian tongdam aw, namcih duang ah baang thei e.
Simlei tungah namcih lai ah, za lun tong khak a nial om leh, sian in awi lo ding hi e.
Sianmang hawmsiam ka sa'an sawn hi, za lai ah phung nam vaw'ng e.
Sian za lunmang tong kaih siam e, pupa khan aa lung aa ngilhsa, a hawm za tam, piandang tong ki dawng sak e.
Namcih tongdot za lunmang aw, na vang phuhsing bang muang ingh e, mi za lailung ah ta e.
Zinleng kaihtam khua vannuai ah, phungpi limbelh thangvan aa zaal, meelmuh loh siangmang aw e.
Na vontawi no lung muang maw'ng e, tang bang dam ding ka ngaih man in, tongdam in ho nuam ingh e.
Sianmang hawmsiam sesum minthang, von nong huaina, paak thel bang tawi cim la'ng e.
Khankum muan in tulmawh hen aw, gual lai ah hil nuam ingh e.
Sianmang siamsil tawh thang min lun, lung up loh meel ing mu'ng e.
Ka ki pat in sianmang ho ingh, khan gui zop na'an pham mawh leng aa, gamgul bang li nuam ingh e.
Thangvan sing aw za lun sianmang, na vang phuh sing bang muang ingh e, khua vannuai ah zaam ingh e.
Nuai simlei aa na vontawi teng, phammawh hintui hong luan ve aw, tang bang damna ngai ingh e.
Sian awi loh aa omlai lunglelh, sian za leeng tul thum la'ng e.
Za lun sawlsang ka lenna ah, ka tong dawng ngam omlo e.
Ih nuai omlai a la'an leh, sian aw siallum hong sun aw.
Ih tung thulguah a luan aa huihkhi lan leh, sian in lenpuan hong zawn aw.
Ka meel neu e sian ka siallum, za ta'an limsawl bang beel e.
Zinleng kaihtam tual ah khiang e, siangmang ka len thang aw e.
Sianmang awi aa hei hi'ng e, zinleng palbang nang ingh e.
Za lun vontawi sian za tam tawh, omlai vangkhua suan ingh e.
Sian za tam tawh ka len ni'n e, si leh hing batphu la'ng e.
Si leh hing batphu ka lak ni'n, omlai nuhneem ta nah e
A hang bel kua hang hiam aw, nuai zinleng leh zang sa kamkei hang bel e.
A hang namcin beel bang suanna, sa vungh zinleng kul luh'ng e.
Za lun in tongdam hong khak e, sinlai tuu bang ciing ingh e.
Za lun tongkhak thul ah sia'ng e, za lai phil taang bang the'ng e.
Pupa lunglelh zinleng hi e, ih phamna za tam sa'ng e.
Phamna zatam hambang nil ingh, kei bang keek mi omlo e.
Sianmang sawlsang hang ta leng hang ta lo leng, gual sinlai ka kawmlo e.
Muhmawh zinleng do ka nawh nin, sianmang nang min sial ingh e.
Nuaizin nang lentual ah khia cia, sianmang ka len thang zaw e.
Sian zatam tawh ho lungkum ingh, ka leen sing zo omlo e.
Ka lenna gam vangla sa'ng e, sianmang sawl sang ki sa'ng e.
Ka phung zin bang a ling zong aa, sian in hambang huai ve aw.
Min lun sian zai solkha neel kaai, za lai tan sunni aw e.
Nuai simlei aa namcih vontawi, tatna gam kuam khual hen aw.
Pupa lunglelh sian tawh kop ingh, huihkhi laang bang sem da'ai e.
Huanggulh lengkeel siahtang kai te, sian in philtaang bang theh e.
Pupa lunglelh zinleng za tam, zingdai bang nawk zaal ingh e.
Za lun vontawi taang hi'ng ci'ng e, sianmual ah han zaai sa'ng e.
Za lun vontawi a ci teng in, sianmang tuanglam tam tawn e.
Pupa khan gil lung aa tum teng, zin aang ah zaal ta dih aw.
Sianmang hawmsiam lam bang tangsa, khang gawl bang khak tam tah e.
A khak nuam in khak ve aw sianmang tuanglam, a khak zo mi omlo e.
Zangtui lun tawh tongciam ingh e, namcih lai lung ah ta e.
Ka hawmsiam aa namcih gual aw, khua vannuai ah zaam hen aw.
Lunglelh za tam ngil ta ning ci'ng, phung leh gual in gi bang neek e, lung ka lau na omlo e.
Sesum sawmsial ci ngam la'ng e, sian za tam in na awi nam aw, phuh bang kho na ngai ingh e.
Pupa lunglelh omlai la'ang e, ih phamna za tam sa'ng e.
Pian dang sial na'n sian ko ingh e, omlai mun muang phawng ingh e.
Sesum namcih huai la'ang e, sianmang tawi minthang ingh e.
Zinleng namcih hambang nil ingh, sianmang nang min lo ingh e.
Tu aa mi pau ka za'ak in seino gual aw, nuai aa simzawng te ci e.
Simzawng vontawi ka nuamlo e, simlei ah min zaam ingh e.
Bang ih ci diam cih laitak aa, phung teng ciampeel dang tah e.
Gamvah khuai bang kaai tuam ingh e, sian aang ah muang zo ingh e.
Zinleng za tam sianmang nilsa, kaai tui bang zawl tam tah e.
Kaai bang na zawl lung muang lo aw, sianmang lung a tai lo e.
Sianmang awi loh zinleng kaih tam, nuai simlei ah tual khia'ng e.
Simlei tungah phamna za tam, sian in ham bang nil hi e.
Sianmang hawmsiam tangbang damna, phung teng in sai nan nei e.
Dolal bang aa pat bang nong sai, kei aw sian vontawi hi'ng e.
Sianmang hawm siam ka muan man in, phung in thal gu bang do e.
Tongsia hong lawh sianmang hawmsiam, len palbang ka nang hi e.
Zinleng nan leh phung teng nan aw, a kop in puan bang thua'ng e.
Sianmang hawm siam lunglelh palbang nang ingh e, zang zum tual ah thang ingh e.
Sianmang hawmsiam tong tam lo vua, mi za tam ten khau bang a pal zo diam aw.
Sianmang hawmsiam tung suni bang, khankum muan ding tual ah khiat ni omlo e.
Holuang thei leng tung sianmang in, tong a neem peuh ngai hi e.
Tung Pasian in tongdam neem teng, ho va dial mah ngai hi e.
Simlei mi za sian in khen ding, siansawn teng ki tawi ve aw.
Sianmang hawm siam nunnop gam ah, hei dildial in pai leng e.
Simlei mi za sian in hilh e, lung ka lau na om lo e.
Sian tong nial teng len kumsawt e, sian in khen tading hi e.
Pupa khan aa nuai zinleng in, miza sungnek in nei e.
Tung Pasian in a awi lo aa, zin kaihtam tual ah khia e.
Hei dildial leng sian vontawi teng, tong ih kup luang ton leng e.
Ho luang thei leng tung sianmang in, tong a neem peuh ngai hi e.
Sian nun aa luai mi za tam e, lung ka maunna omlo e.
Sianmang na vang muang ingh e, siawnsawn ah ka tuang hi e.
Sianmang sinthu lung aa ka tup, diehlai ci bang teel ingh e.
Sianmang awi aa ci bang ka teel, zin sinthu ka kawmlo e.
Sian tongdam sang mi za tam e, kankong nuh sawl baang hi e.
Kankong nuh sawl a baang te aw, sianmang lung a tai lo e.
Hong en ve aw tung sianmang aw simlei tungah, na min pheek taang bang the'eng e.
Simlei tungah tong sia hong lawh za tam sa'ng e, lenpal bang ka nang hi e.
Sian tongdang e pian ki khek e, sian in khen ta ding hi e.
Sianmang lailung a tuak teng aw, siangsawn ah hong tuang ve aw.
Sianmang hawm siam mi za lai ah, khat guak sing bang po ingh e.
Mi za tam teng ka khualna aw, sianmang tongdam in bia'ng e.
Tun ka cih ding a bei aa, sian tuunnu tuun aw ci'ng e.
Zua ka cih ding a bei aa, sian zua pa zua aw ci'ng e.
Tuun huai bang aa sianmang nong huai, leilai zil lai leng ci'ng e.
Siang tawi zatam ka khualna aw, sianmang tongdam khak ingh e.
Lentual khia'ng e ka khunla'an ah gamgul bang vial, miza dai in dam sa'ng e.
Pham ding ci aa miza leel sa, sian in tang lo bang phong e.
Zinleng za tam mei bang theng mawh git bang hong ding, tang hi'ng ci nuh neem sa'ng e.
Do lal a pham ka hi zongin, han lungciam ngam omlo e.
Pham ding ci aa thelbang hong phong, sian in hinloo tui luan e.
Lenlai thalbang ka zan lai in, tongdam saang lo bei tah e.
Huihkhi laan dang ka duang hong zen, silhpuan tuunnu in nei e.
Ham bang huai keek omlo aa, guikhau banzaal in nei e.
Ham bang vai leng ka sau nuai ah, namcih zing daai bang kamh e.
Sian ii tawi in ka sian sung ah, tang gual phialva laam bang e.
Sianmang in tongdam hong khak e, zin tawh na khen in ci e.
Pupa khan aa lung aa gimna, sian in lenpuan bang paii e.
Hong ki huai vua mi simzawng teng, siangsawn ah hong tuang ve aw.
Sian aang ah zaal mi gah liang teng, sian in hinloo tui luan aw.
Hong tawi tung Pasian aw e, sen aa ka tuunnu bang e.
Gual ka huaina ka tongdam neem dildial e, paak thelbang tawi in pha e.
Ka tuun tawi in thang lah'ng e, ka zua tawi in thang lah'ng e.
Ka zua tawi in thang lah'ng e, sianmang tawi in thang ingh e.
Tung thangvan ah a sangsawn ah, sian zua pa meel in mu'ng e.
Simlei leh thangvan kal ah e, a bawl loh mi omlo e.
Sianmang sau sak saumang nuai ah, lungdeih ci bang teel leng e.
A kiang nen ah zaal thei hileng, kumsawt hinna om hi e.
Sianmang sau sak a dawh tam ah, lia leh taang hong hei ve aw.
Lia leh tang hong hei ve aw, khankum aa muan ding hi e.
Tung Pasian hawm siam lawmlawm e, sunni leh solkha a bawl sa, vannuai kuam teng taang hi e.
Vannuai kuam teng a taangnuai ah, namcih za in tam sa'ng e.
Sianmang hawm siam kumsawt sa'ang e, siangsawn ci bang teel maw'ng e.
Sianmang sau sak saumang nuai ah, siangsawn ci bang teel ingh e.
A mi za ii tamlai ah e, lungtuak ci bang teel ingh e.
Ci bang ka teel tutawm sa'ng e, siangsawn ah tuang omlo e.
Sianmang sawlsang ki heek ingh e, thah aa hong sawm tam tah e.
Thah aa munglo bang nong tup aw, kei saw sian vontawi hi'ng e.
Siangsawn aa tuang zin in dolal in nei e, sian in awilo, nuai simlei ah tual khia e.
Pupa khan aa zinleeng kaihtam sian in nuhpaam ah paai e.
Sianmang ka tuunnu aw e, sianmang ka zua pa aw e.
Sian tuunnu leh sian ka zua pa'n, tang bang dam tui hong luan aw.
Tuan aa pupa khang masa te, zinleng sul ah pham ci e.
Zinleng sul aa a pham te aw, sianmang tong na ngai nam aw.
Zing ka zinna khua za tam ah, sianmang in gawl bang kim tah e.
Zin aw gi bang hong neek lo aw, sian aang ah muang zo ingh e.
Za lun saudeih suang kim ingh e, zinleng nan na ding hi e.
Muh mawh zinleng hang ki sa e, philtang bang theh zo ingh e.
Thei bangsen aa ma bang ka pat heina peuh ah, sian zaalna sau phei sa'ng e.
Sian zaalna sau phei nuai ah e, namcih hai zu zawng aw e.
Damtui luang suk sianmang dawh ai, pham mawhna tong lel hi e.
Namcih sik bang sawn kim ciat aa, pham peel gual ka'an sing hi e.
Sianmang hawm siam khua vannuai ah, za ta tui bang ciimna ding aw, sinlai lung gulhna hi e.
Singta'an ciambang hong nui zongin, ka tongdam neem ki sa'ng e.
Sianmang hawmsiam khua vannuai ah, namcih tui bang gawm hi e.
Singtan nuih ciam hong lel zongin, pian dang tongdam aw ci'ng e.
Tong suan sawn khau bang a zaamnaa, ka vang el za tam sa'ng e.
Sianmang awi leh tuun huai aa hei, gual aw hong el kha na cia.
Zan ciang zaalmang thangvan tuang va tung tangh e, za lun sumtual lum sa'ng e.
Banzaal limsun seino gual aw, meelmuh pian in dang sa'ng e.
Ka limbelh leh nuai zinmang in, gil al bang mang aw ci e.
Za lun in maa ciang hong suan e phamtam sapnaa, zinleng beel bang suan ingh e.
Za lun sinthu kil bang khang e, a lel sawn al va'n bawm e.
Theihloh al va va meel hoih in, ka min nuh paam ah paii e.
Pupa khan in lunmang hi cia, tu in ka tanggual hi cia.
Tanggual sialzin bang hawl tangh e, sian tawh tongdam ciam ingh e.
Ciin aw nuhpaam ah paii lo aw, sianmang hawm sinthu hi e.
Sian hawm siam in khua vannuai ah, sinthu mei bang zaam sak tangh e, kei aw za vontawi hi'ng e.
Namcih lai tan tung Pasian aw, minlun lawi bang thang aw e.
Zin vannuai lian za tam kaih sa'ng, na maan sunni siing aw e.
Sian tongdam ma ciang suan tangh e, zangtui ka lenna aw e.
Za lai lumsun lunmang huai siam, namcih tuibang ciim hen aw.
Sianmang hawm siam tong cih tunnaa, banzaal paak thel tawi aw e.
Lun tawh ho ci bang tawmtangh e, za lai ngo mei bang zeel e.
Za lun sianmang na dawh ai aw, simlei thangvan kawm thei ta cia, za lai sunni taang aw e.
Nun eng zaang ni kumciam solkha, kuamzang khua vannuai taan e.
Za lun lungdeih sian gual lel ingh, kumcin tang gual ka kaihnaa aw e.
Kumcin tang gual ka kaih pih sino ka gual, sian aw an bang it ve aw.
Tuaiteng na vang ka ngaih man in, siangsawn teng ki tawi ve aw.
Sian tawh zinleng ham bang nilsa, lung aa ngaihna omlo e.
Sian hawm siam e namcih gual aw, siangsawn teng ki tawi ve aw.
Siangsawn teng ki tawi hen aw, nin leh siang ki khen hen aw.
Tung thangvan aa za pi lun sian phungmang in, tei leh laamtui a kaal ah e, ka tong zaam kim hen ci e.
Phungniam phunglun khau bang na vawh kim hen aw, mangmawh tuan gen ding hi e.
Pupa pat loh khua vannuai ah, sian awi aa sinthu hi e.
Sianmang tongdam khua za tam aw, namcih va bang pil hen aw.
Simlei mi za ka khualna aw, sianmang tongdam khak ingh e.
Tong ka khialhna om lo e, pham ding in ki ging lah'ng e.
Zin in khuambang hong do tah e, tung sianmang in nuaisiah e.
Zinleng kaih tam sian in awi lo, nuai simlei ah tualkhia e.
Sianmang tawh ho lung kum ingh e, zin kaihtam ka nem sak e.
Pian ki laihna tung sianmang in, zinleng tual a niam sak e.
Pham ding ci aa thelbang hong phong, tung aa sian lunmang hi e.
Lung ka muan dang a omlo, tung aa sianmang muang ingh e.
Limbelh sianmang hawm siam sa'ng e, a kiang nen ah zaal ve aw.
Lumsun sianmang za tam tong dot, sian aw hintui hong hong luan aw.
Namcih vontawi ka khual na'n e, siangsawn ah ka tuang hi e.
Zinleng za tam hambang nil ingh, tung sianmang na muang ve aw.
Sianmang hawmsiam miza lai ah, lungtuak ci bang teel ingh e.
Lungtuak ci bang ka teel zongin, sian mun tut khawl om lo e.
Sianmang tongdam sang ingh e, zinleng palbang nang ingh e.
Zinleng pal bang a nang lah ding, kei nun ah luai ba'ang hen aw.
Sian leh zin paai bang kop te aw, sian in gi bang khen ingh e.
Sian ka hawmsiam len kum sawt e, siangsawn ci bang teel ingh e.
Sian ka hawm siam gi bang neek teng, sian nun ah luai ba'ang hen aw.
Sian ka lungtuak ci bang teel ingh, siangsawn damtui dawn sak e.
A mi za in tam na ven, lailung tuak mi omlo e.
Lenlai lung tuak tu tawm sa'ng e, lung ka muanna omlo e.
Zin ang aa zaal mi za tam ten, dawh ai saan na'n hong nei e.
Siangsawn aa tuang sian ang aa zaal, sian in hinloo tui luan aw.
Mi za tam ten hong ho lo aw, kumcin in sianmang bia'ng e.
Zin za tam tawh ka khenna aw, tung aa zaal sianmang hi e.
Zin dawh ai tawi phamna hi e, sian in pian puan bang laih e.
Sian dawh ai tawi hinna hi e, khankum aa muan ding hi e.
Sianmang sinthu ka ngaih man in, phung tawh laukha hual maw'ng e.
Ka pham zong aa tung thangvan ah, sian aang ah zaal ding hi'ng e.
Sianmang lung aa ngilh kei ning e, mim bang ka pianna hi e.
Mim bang ka pianna hi e, tang bang ka khanna hi e.
NUNGZUIPI TE LEH THUZUI MITE PHUAH LA TE.
Seino paaksil bang ki tawi e, banzaal kaih sinthu hi e.
Thangvan aa zaal sian za mang aw, tatna lambang tang sak aw.
Ciin kamkei tawh do ka nawh nin, za lai min sial lawm sa'ng e.
Na tuai teng tawh zinleeng nawh nin, nan tong dawng ngam om lo e.
Zinleng kaihtam siah nial ha'ng e, sianmang mun aa muang ve aw.
Na tuai teng tawh hanlung ciam aa, simlei ah min zaam aw e.
Sian awi loh aa zinleng vangkhua, sai bang na sat, tui bang na siang sak nam aw.
Ciin tawh paai bang ka ki kop aa, khua cih lenpuan bang kawm ingh e, tui bang siang sak leei-ingh e.
Lun zalmang aa sianmang tong khak, khua vannuai ah zaam hen aw.
Sing cin paallun phialva'an bawm e, na tongdam za ta'an bawm e.
Za lunmang tong siam lawmlawm e, pupa khan aa simkhua zingsa, zangni-in za lai taan e.
Tung ciang thangvan sangsawn ah e, sianmang tong khak piandang thelnah bang leng ta e, ngomei bang zaam zilzial e.
Tongciam zang va bang ki phawng e, lun na hiam gual na hiam aw.
Sian min lun leh zang khua mang sinthu hi e, khau bang a pal zo diam aw.
Tung sunni leh sian lunmang ho lung ki kum, minthang vontawi za lai ah paal hen ci e.
Simlei leh thangvan kaal ah zaam zilzial aw, na than paalsawn, tuizum vai dawng hong hen aw.
Tuan pupa ma bang patloh siam bang na sin, luntawi phualngo no aw e, sinlai va bang pil sa'ang e.
Tung Pasian sinthu hi e, sianmang tong khak khua vannuai ah, na min lawi bang thang hen aw.
Za lun sausak sai bang ban ding, kua tawi banzaal a hiam aw.
Sian in mu bang bawl kim ciat aa, simlei min bang piang hi e.
Pupa patloh pianpuan bang thak, sian in ni bang awi hen aw.
Lunmang vontawi za ii lai ah, gual in a siing thei diam aw.
Tung thangvan ah simlei zilhza, sianmang na gamlei hi e.
Simlei leh thangvan kaal ah e, na hawm siam zaam zilzial e.
Tung Pasian hawm siam lawmlawm e, za ii lai ah, a tongdam zam zilzial e.
Sianmang hawm siam lun na banzal, tuan gen in thang lai hen aw.
Za ta'an na vang hong el zong in, sian lunmang tong khak hi e.
Tung sunni leh lun hawmsiam hen, za lai ah thang nuam ngh e.
Tung Pasian hawm siam lawmlawm e, za lai ah minthang hi e.
Simlei zilh za namcih lai ah, lun leh gual lung pil va aw.
Zin vannuai lian sian minthang aw, lun tawi lungzuang mual kal ding ci, phuh bang kho sak lai ve aw.
Lun mual kal ding seino gual aw, zan ciang ka zalmang hi hen aw, khunlan khang thei lo leng e.
Zang tui lun leh sian zai minthang, nuai simlei ah na tong pianna, lun tawi te lungzuang hi e.
Lungzuang khuang bang ka khoh na dign, ka tong tui bang hong luang sak aw, lun duang ah baang nuam ingh e.
Tung Pasian tongdam aw e, ka ciin va bang pil aw e.
Sian mang tongdam pian dang meel hoih, namcih taan tembang deih e.
Sen pu von leh sian tongdam in, phung namcin khau bang zom e.
Seino gual in tu bang ciin ding, sian in ni bang awi hen aw.
Lunmang sinthu banzal zawikaih, gua bang hinna'an lawm sang e.
Na hawmsiam aa namcih gual tawh, pahtaang vabang laam ve aw.
Nuai simlei aa lun vontawi aw, thei sen taanggual sing ve aw.
U leh ka nau za tam lai ah, na than paalsawn lai hen aw.
Tuun sung suah pih geelcing lai ah, khan paalsawn ki tawi aw e.
Sianmang hong hilh banzal zawikaih, namcih ta'an tem bang deih e.
Lun na sinthu banzal zawikaih, khua vannuai ah thang ve aw.
Sian ii siam aa limbelh mang aw, simlei tungah ngo mei bang zaam zilzial e.
Theisen momno na khualna aw, lun aw na tongdam hi e.
Nuai simlei aa phek taang bang za'ak, huan tuu bang ciing nuam ingh e.
Khua vannuai ah pupa pat loh, sian tawh tong kum na hiam aw.
Sian tawh tong kum limbelh mang aw, phammawh gua bang hing ve aw.
Lunmang na tongdam aw e, khua vannui ah thang hen aw.
Namcih za tam na khualna aw, sian awi aa ki heek hi e.
Lunmang hawmsiam zam zilzial e, tung Pasian sinthu hi e.
Tung Pasian leh lunmang vontawi, sinlai tui bang ciim sa'ang e.
Siamsil nel bawl pian dang tongdam, namcih ta'an tem bang deih e.
Tung thangvan aa sian za mang tong khak hi e, lun banzal zawikaih hi e.
Sing om muang in nuihciam in hong lel zongin, gual lel bansam na tawithang ni bang lun e.
Ni bang lun e za ii lai ah, limbelh ngalliam duang hei siam aw, maimit sot et cim la'ang e.
Banzal heek siam namcih duang aa baang aw e, tondam lel siam zo lei lenmual kal aw e.
Banzal heek siam vaimang siamsil no bang e, za tam gual gen pal bang nan pih nuam ingh e.
Za lun neelzuun tong zawikaih siam, khua cih gam gul bang vial e.
Vaimang dawng hong sul kik hen aw, lun tawi namcih paalsawn na ding, zaangtui mun tual lum hen aw.
Tung Pasian hawm siam lawmlawm e, khua vannuai ah, a siamsil pian dang sa'ang e.
Momno va bang pil na ding aa, sian tongdam hong luang suk e.
Omlai ka vei kumsawt sa'ang tuai nih gel aw, sianmang tong dot siam ve aw.
Pupa pat loh siam bang na sin, sing ta'an lam bang ve'el ve aw.
Omlai in mang bang hong bop aw, batphu thaam na ka hiam aw.
Taang bang dam ding ka ngaih man in, sianmang mun ah ni cin mim bang thum ingh e.
Theisen pu von lawi bang thangsa, ciin in nuh lo bang thual e.
Sinthu zai la khau bang sutsiam, sian in ni bang awi hen aw.
Tung Pasian tongdam aw e, ciin in tu bang ciing hen aw.
Tung Pasian leh ciin banzal kaih, a than in lentual khon e.
Thum thum lo aw laizom lia nu, ciin thang in ma bang pan e.
Laizom ciin leh sianmang paai bang a kop aa, zinleng pal bang nang hi e.
Sian tawh tong kum ahi zongin, sinlai va bang pil sa'ang e.
Khan sawn ten tu bang ciing hen aw, simlei tungah phek taang bang na zaak hen aw.
Lenlai paal lawh seino na gual sing ve aw, banzal kaih siam min lun me ibang zaam hen aw.
Tuan pupa ma bang patloh za tam gual gen, vanlai a ta'an, tung aa sunni siing hen aw.
Pupa ma bang a pat loh siam bang na sin, namcih tui bang gawm aw e.
Namcih za tam tui bang gawm aa, sian in ni bang awi aw e.
Sian ii siam aa lun momno aw, na khan kumkhua sawt hen aw e.
Na khan kumkhua sawt hen aw e, na vang in hei nuam ingh e.
Sian ii vontawi lun momno aw, za lai ah tongdam na lel cing kim hen aw.
Lung aa na tup na gual lai ah, namcih ciin ding a tul mawh in , za ta'an lailung ah deih e.
Simlei mi za va bang pil na'ang, na tomdam leh sianmang tong khak tui bang na gawm, namcih um bang na kholhna.
Namcih um bang na kholhna saumang nunnuam, na phung sinthu lam bang kheng cia, limbelh zang ni bang lun e.
Lunmang laitan phualngo no aw, simlei tungah namcih lai ah, na pa'al sing zo om lo e.
Sian ii siam aa lun vontawi aw, sesum namciin lung aa na deih siang ah tui bang tung hen aw.
Pupa patloh sian tongdam kai bang na zawl, khua vannuai ah na min lawi bang thang hi e.
Mim bang na phung lai ah e namcih lai ah, luntawi heisa tung suuni bang taang aw e.
Thangvan aa zaal sian za mang in, lun suan sinthu a hihna zaam zilzial e.
Namcih mi za tu bang gawmna, ciau lumsuang bang gil hen aw.
Lunmang vontawi sian in khing an bang muam e, sinthu ciin ding zaal mang aa ki hil aw e.
Zaalmang a hil tong suah guikhau bang ki zom, namcih vontawi muan tui bang ciimna hi e.
Khua vannuai aa maa bang patna, ka tuai sian tong sang hi e.
A lel sawn a tong dam dawn te, taanggual sunni taang aw e.
Vontawi um bang khuai dek tangh e, sunni leh solkha kaal ah e, Pau aw na min thang sa'ang e.
Hau tawi aa thang na sak leh, tung aa vanpi dawng hi e.
Lun tawi khua suan na neu lai in, huisai bang beel nuam ingh e.
Sunni laitan na sak leh, tung Pasian laitan hi e.
Lun sinthu leh tuai tongdam aw, sian in ni bang awi hen aw.
Muhmawh zin leel in lawm sa'ang e, gual aw tu bang ciing ve aw.
Kangtui lun e theihloh kawl lun e, sinthu zai la a siamsil piandang sa'ang e.
Ka tuai lun in laam bang eng thei e, khua vannuai in namcih lui mang bang bawm e.
Sianmang awi leh zangtui lunmang sinthu aa, tuai nihgel ki hei aw e.
A ni za tam ci lo aw lungzuang lo aw, heina mun ah lia leh taang gual, na tong tui bang luangsak aw.
Sianglam zong ding sen pu von leh tuai lun in, sau neu tun in hong zuan ta cia, lenna daidam ding hi e.
Von nih thum leh tuai gel tawh ho luang ta cia, lun aw na vang ngai ingh e.
Sian ii siam aa lun heek aw e, na than in len khua khon e.
Banzal kaihsiam gual sing aw e, tung sunni'n sung lai hen aw.
Pupa patloh sian tongdam kaai bang na zawl, khua vannuai ah, na min lawi bang thang aw e.
Mim bang na phung ii lai ah namcih lai ah, luntawi heisa tung sunni bang taang aw e.
Omlai in siah khua hong kai e, sianmang mun ah hil ingh e.
Hai zu zawnpih phung leh gual in, ngo sai bang hong sawm ta e.
Luntawi momno na ki pat in, gual hong lel lo bei ta e.
Na hawmsiam in vannuai zel e, zangsih lai ah zaam hi e.
Siah leh lun sing bang muang ingh e, gual lai va bang pau ingh e.
Sian sinthu aa tongdam sangsawn, namcih gual hawmsiam ve aw.
Mim bang pianpih ka phung ten e, sian sinthu lung mawl ci e.
Sianmang sinthu na nial leh phung leh gual aw, omlai munmuang ding hi cia.
Sing bang ka phung thal bang suan ten, sianmang sinthu'n samgi bang khen ding ci e
Sianmang sinthu'n hei ing phung aw, khen ding lai a lawm diam aw.
Ka vang ni bang hong el te phung ki'im gual aw, batphu tha'amna ka hiam aw.
Thah aa mung lo bang nong tup aw, kei aw za vontawi hi'ing e.
Lun linlai va bang pil sa'ang e, gual aa sa'ang lah thang zaw e.
Gual aa sa'ang lah thang zaw e, simlei tungah nong mei bang zaam zilzial e.
Sianmang hawm siam lun tawh lung kum, za lai ah min thang aw e.
Namcih tong dot lun tawh na ho, khua vannuai ah zaam aw e.
Sian tongdam dawng siing vangkhua ah, phaksap mual tam kal aw e.
Va bang pil lawi bang thang hen aw, luntawi phual ngo no aw e.
Sinthu piandang khau bang na sut, lun aw na hawm siam sa'ang e.
Lun aw na hawm tang lawmlawm e, zangtui tanggual sinlai va bang pil sak e.
Simlei cii bang a mang sa seino gual aw, tuai gel in tangbang phongh e.
Tung thangvan aa sian in awi hen, u leh ka nau tatna kuam in zai hen aw.
Limbelh ho neem ka von lungngaih, sian in awi hen a hawm lam bang tang hen aw.
Ka kiang khat tang vontawi nih thum, tuai aw siamsil bangsut la'ang e von aw e.
Vannuai sinthu a liim deih man, tuai gel zan tam taam aw e.
Momno ten tu bang ciing hen aw, tulmawh gual in gen hen aw.
Ka ciin a pian dang aw e, sinthu namcih sut aw e.
Sinthu namcih sut aw e, sianmang tongdam dawng aw e.
Lun tongdam nau bang sang tu'ung ten, kei aa kaan sang hen ci e.
Lun sinthu leh sianmang tongkhak, gual in ni bang awi hen aw.
Sing bang ka belh hau tawi taw aw, sian tawh tongdam ciam aw e.
Pupa lunglelh omlai laang in, khua cih ngo meei bang zeel e.
Lun tawi phualngo pian dang gual gen, ciau lumsuang bang gil hen aw.
Ciau lumsuang bang gil hen aw, paalsawn gual tung tuang hen aw.
Namcih za tam na khualna aw, na tongdam neem dildial e.
Na lau kha lengvan kaai hen aw, na tongdam tuang nu sia aw.
Lum bang ka sun ciin neem lia nu'un, ning aisa'an peel ken ci e.
Gual tuak khial bang ka phunglai ah, sian gim nam ta ning ci'ing e.
Sianmang tongdam nau bang ka sa'an, hong el lengthe khuang bang e.
Leng bang a khuan zawh ciang in e, a vang loo mei bang bawh e.
Sian ii tong sang lunmang aw e, na tong suah zaam zilzial e.
Tong na suah in sing khua khon e, tualkhia in a lawm lo e.
Mawngnel kaai bang na nun ah luai kei hing e, za tam tongdot mang aw e.
Za tam tongdot mang aw e, na hawm siam zaam zilzial e.
Ka zaalmang in tung khaimu bnag laam ingh e, siamang dawng vo hong ingh e.
Tung caing sianmang dawng ka hon ni'in, sikmul ling bang tho sa'ang e.
Gual in sian tong sia ci e, kei in a khemna ci'ing e.
Lum bang ka sun sianmang sinthu, huan be bangzawl nuam ingh e.
U leh ka nau namcih ta'an e, al bang man na ding ci e.
Lung aa ka tup sianmang sinthu, ki tawi paalsawn lai hen aw.
Sianmang sinthu ka muan man in, pupa laukha thelnah bang leeng hen ci'ing e.
Gam gui khau leh daai teeng pi gua, mun in na muang ta dih aw,
Zangtui lun leh vaimang kaal ah, namcih tual hawmsiam ve aw.
Zalun sianmang na hawm siam in, namcih tui bang ciim hen aw.
Pupa patloh ka sin ni'n e, solkha suah dang ding sa'ang e.
Kan kong suak ingh sianmang awi in, tung sunni taang kik ta e.
Khan pian dang e sianmang sinthu, pu von teng tuang nu sia'ng e.
Gual in buan bang hong nil zong in, kumcin aa tawi ding hi e.
Sian aw mu bang nong bawl buangin, na sawn momno mim bang thum teng, simlei dal gua bang hah aw.
Nuai zin za tam ngomei bang kaai, sian aw hen kol sut ve aw.
Zangni suak e sianmang taang e, namcih gual hawmsiam ve aw.
Van sinnuai ah u leh ka nau, banzal kaih ki zawng hen aw.
Gual in nuih ciam hong lel zongin, kaizak lo bang hei ingh e.
Sianmangtongdam ka sa'an sawn hi, guallai ah ngo bang langh e.
Sianmang sinthu tem bang ka deih, paai tem bang kuah zaal ingh e.
Vaimang sausak piandang nuai ah, ka min lawhciang bang sa'ang e.
Tong ka sanpih luntawi ka gual, gamsa bang taai kik ta e.
Sanggah sinthu phuhbang kho hen, sian ang ah zaal kik ingh e.
Zinleng siah bang lut la'ang e, sianmang khang sum bang bia'ng e.
Sianmang khang sum bang ka biak aw, za ta'an suih sing bang su e.
Lun hawmsiam aa sian lunmang biak, tang bang damna ding hi e.
Lungzuan zatam dai bang theu he, nunnop lii bang cing hen aw.
Sawmsial aa biak pupa laukha, daai aa nen bang nil ingh e.
Gual in nuihciam hong lel zong in, kumcin aa tawi ding hi e.
Sianmang sinthu dimtui tual ah, henkol na khai ding ci e.
Sianmang in gal pan en ta e, phialva bang laam kik ingh e.
Tun laukha leh zua laukha aw, zin bang na heh lua nam aw.
Zin bang na heh lua nam aw e, sianmang awi aa heek ingh e.
Tuan pupa'n zinleng bia e, khang sawn ten sianmang bia e.
Sianmang ka biak lungtai hen aw, zinleng dai bang theu hen aw.
Namcih gual nial ka ciin mu bang ngai ingh e, tun nunkhum bang ka ngaih sian lunmang aw e.
Ho luang neem leng phung in sihkhum bang zuan e, lun hi'ng ci-in tong dang leng pal heu thei e.
Pupa laukha ka ngaih man in, tuai teng kan kong ah kha'ang e.
Phung lun teng leh pupa lau kha'an, tuai len sawl khuh zo lo e.
Loo mei kaai ci ciai nuai ah e, sianmang hong zing zin ta e.
Sianmang zing zin ziingdaai nen ah, na vang lum bang sung ingh e.
Tung aa zaal sianmang aw e, tangbang damtui hong luan aw.
Ni khat gual tawh gau zu la'am taang bang ih kawm, lun lam sawmsial sim hang e.
Sianmang awi aa ih hei na ding, ih tuun sumtual ih banzal tung nai lo e.
Seino tang gual banzal sok khau bang ki kai, zuai pham thel tho ding bang e.
Sianmang tongsang gual ngaih teng aw, la'am bang pa'ak lah zo ingh e.
La'am bang pa'ak lah zo ingh e, gua bang hing lah zo ingh e.
Sianmang vontawi lia nu aw e, na khan kumkhua sawt hen aw.
Na khan kumkhua sawt hen aw, na nen ah bual nuam ingh e.
Sianmang sinthu khua vannuai ah, a ngai lo ni bei ta e.
Sing cin paal lun phial va'an bawm e, na tongdam za ta'an bawm e.
Lunmang sinthu sianmang siamsil, banzal paak thel tawi aw e.
Sianmang sinthu ka saan buang in, lui khau bang sut ning ci'ing e.
Sianmang na liim beel nuai ah e, gual tawh nuih ciam lel ingh e.
Tangbang dam ding ka ngaih man in, gual tawh la'am siam zil ingh e.
Van sinnuai aa mi za siam aw, tung aa zaal sianmang aw e.
Lia leh taang von lai nong tan teng, tang bang damtui hong luan aw.
Page updated
Google Sites
Report abuse