Teeltuam Lapi.

TEELTUAM LAPI -1

• Khasiangtho Pasian mai ah itna sang pen, siangtho ki teenna nupa suahna, a bawl tate aw hoihna dikna, ki dim midik khaici na hi zo hi.

Kikhen ngilo pumkhat suahna, nuntaakna tui a dawn mi in, kei mah tawh ki khenlo in ka kiangah nong ciahni ciang in, lungdamna pawipi ih bawl dinghi.

• Keimaa mai aa teenglo nupa te in, guta a suak nupa te na hi, nuntaak tawntung na tawh ki peel ding hi, kei tawh om khawm haksa ding hi.

TEELTUAM LAPI -2

• Sianhawm sinthu nau bang sang aa tuun lung awi zua lung awi aa, a hei nihgeel lungtuak tui bang luangkhawm in, khan kumsawt...lo bang tul den hen.

Nihgeel lungtuak na heina peuh ah, sian in siam hen simlei nun sungin, lung deih teng lii bang cing den hen.

• Sian awi aa hei lia leh taang aw, nihgeel itna phuh bang kho hen, zin sinthu leh gual lel sinthu'n khen zo kei hen, itna phuh...sing bang kho den hen.

TEELTUAM LAPI -3

• Sian awi aa lungtuak lia leh taang tui bang gawmna, siangsawn manphatna in hong len ding aa, Zogam aa ding itna khut kilen in thupha, piakna gamlei aa ding itna kho hen.

Vantungmi te thupha piakna kho hen, simlei nunna hauhna tawh ki dim hen, siangsawn khaici manpha vondeih tawi in, simlei hin kumsawt in sian in siam hen.

• Itna sungah pumkhat suahna thupha tawi in, khen loh ding tongciam te phuh bang kho hen, lei leh van hoihna tawh sinthu tawi saang dingin, siangsawn nunna vandaai tui hong luan hen.

TEELTUAM LAPI -4

• Van nunna in ei hong zeem khin zo hi ta, siangsawn lia leh taang te tui bang ki gawmna, phualva ki-itna sinlai lunggeel in, misiangtho kumpipa thupha piakna hi.

Thupha piak kip tahen kho tahen, itna lungsim ki pumkhatna om hen, zawhna manpha tawi in kawi leh von liim belh tawh, sian deih itna khaici kip tahen.

• Van kham lukhu manphatna ki cing den hen, khanggui ki zom van hauh na'n hong zeem hen, lailung hual khawm in it leh ngaih teng tawh, sian deih itna kham khuathak tawh paallun hen.

TEELTUAM LAPI -5

• Sian laukha tawh ka piang aa simlei leh thangvan, a bawlsa khempeuh paalna hoihna za tampi tawh, hei khawm ding sianpiak teeltuam Zo vontawi te hihang e.

Phung namkhat in sianmang sungah, laaigui kizom in ki zawng khawm taksa pianna gam, gah tam paallun ding.

• Sian piak gam sian teeltuam te'n khanggui duangzil in, kham khuapi ah khut kilen misiangtho kumpipa, hoihna te zuun in pua in nungta tawntung ding.