NUNTAAKNA THU SIANGTHO (35)
Vantung minam lian kei maa mi pawl te
1. A lungdam theilo leitung mihing te kiang ah vantung hehpih na leh lungdam na thu na luahtan theih na ding un, note khempeuh itna lamdang hong neisak in ka Tapa Pau Cin Hau kong thalawh sak hi.
2. Ka Tapa man neihna thaman misiangtho innkuan nopsak na leh vantungmi te thupha piak na, na ngah ding uh dawi gilo te in hong haza a hih man in no te hong zol aa vantung lungdam na thu hong nial sak hi.
3. Ka Tapa in vantung lungdam na thu no te tung ah hong nga hi.
4. Vantung Siangsawn lungdam na thu ka Tapa Pau Cin Hau thu neihna te hang in leitung mihing te ka mipawl ka si leh sa kei maa neihsa te kong suak sak hi. Tua a hih man in kei maa innkuan te na hi uh hi.
5. Kei leh ka Tapa hong um taktak mi te in vantung Siangsawn ka minam ka pawlpi te na hi uhhi.
6. Ka Tapa in leitung ah vantungmi suan leh khak, vantung minam te a hong suak sak, ka sawl bang in a zo pa a hihi.
7. Ka Tapa zawhna hang in vantung ka Siangsawn lai te ka hong pia aa, no te in vantung minam kei maa mipawl te na hi uhhi. Ka mipawl te in kei tawh ih om khawm tawntung ding hi. Kei tawh a om khawm te in ka it mipawl te a hi ding hi.
8. Ka mipawl te kiangah ka Tapa Pau Cin Hau in ka tate sam in a hong zong a hihi. Ka mipawl, ka minam te in kei leh ka Tapa thupha piak na huang sung ah a om khawng ding uh a hihi.
9. Thupha piak na huang suangah a om khawm mi te ka vantung lai kong pia aa vantung minam lian te ih hihi. Kei maa vantung lai in no te khempeuh ka thupha piak ka tel minam, ka pawlpi, vantung minam lian te a hong suaksak a hihi.
10.Vantung suan leh khak minam lian te ka Tapa Pau Cin Hau in kai khawm in hong sam khin zo aa, dawi mangpa leh dawi gilo te huang sung sihna pan hin kik na hong pia ka Tapa thaman a hihi.
11.Vantung manphat na huang sungah na tun khit uh ciang in dawi gilo te in na lungsim uh leh na gamtatna te khempeuh uh gu ding in hong pai hi.
12.Dawi gilo te nasepna siatna in guta bang in hong pai a hihi. Kei leh ka Tapa Pau Cin Hau in ka mipawl te tung ah dawi mangpa hong zol na siatna guta bangin hong pai laitak nial in ka deih kei uh hi.