Pau Cin Hau Tangthu.

Kamsangpipa Pu, Pau Cin Hau pen December 28, 1859 kum in Tedim khua bonuai vengah Pu, Khan Lian leh Pi, Cing Zam sungpan aa piang u nau pasal 8 lakpan a 4 na ahi hi. 

Kamsang pi pa te u nau:

1. Vum Kam

2. Khai Pau

3. Tual Hang

4. Pau Cin Hau

5. Thang Khaw Kam

6. Khai Za Deng

7. Vum Khaw Thang

8. Cin Khaw Hau cih teng a hihi.

Mikang kumpi in March 12, 1889 kum in Tedim khua hong sim uh aa, mei tawh hong hal tak uh ciang in Tedim khuami te khempeuh a kiim aa khua te ah gal tai khin uh hi. Tapa Pau Cin Hau te zong Tedim khuapan in Vanglai khua ah tawl khat hong teng in tua tak pan 1891 kum ciangin Lailui khua hongtung uh hi. 1892 ciangin Lailui khuapan Ngen Nung khua ah hongtung aa, Ngen Nung khuapan 1904 kum in Vanglai, Lailui ah hong tung kik leu2 uh hi. Tua hun lai in gal hun a hih man in ki tuah kawi2 uh hi. Lailui khua ah kum 18 sung Pasian na hoih tak sem hi. 1922 ciang in Pasian kamsang papen a unau sungpan in a u pen a hih loh hang-in a sanggam te in Lailu khuapan Mualbem khua ah inn luah dingin sawl uhhi. Tua bang a sawl uh ciang in a itna leh a deihsak na uh tawh a sawl uh hilo in a mau ut loh uh a sawl na hi zaw hi. A u nau sung vuah Tapa Pau Cin Hau pen bang mah theilo leh hai pen a hih man in a u te in Pau Cin Hau sawlleng hong nial loding hi cih tawh asawl uhhi.